Popular Bible Verses from San Mateo 21

Share

Oto'ŋʌytyamba'cmis Dios, pyʌcpa wa'mij tumʌtzocoy nwyʌ'aŋja'moyu. Juca te'šej mij nwya'coytyamba maŋbamis mbʌjcʌchoŋdamu.

Y 'yaŋdzoŋyaju Jesujsis: Wiyuŋše'ʌsmij ndzamjaytyamba juca tumʌtzocoy mij nwyʌ'aŋja'moytyamba, y ja'nmij myetzatzoco'yajtame ja'n na' higo-cuytyij mis maŋu mujsu nyajtʌjtztamu. Juca yʌ' cotzʌc mis aŋgui'mdamba wa'y jyʌcʌ'u tey y wa'y myaŋu ma'rojmo, maŋba jyʌcʌ'u.

Y te' wyi'na'ŋojmo nʌ myaŋyajupʌ's, y 'yucaŋgʌ'mʌc nʌ quio'ŋyajupʌ's weju'c inʌc nʌmyajpa: Viva yʌ' Davijtis 'Yune. Wʌcotzamda'mitʌy yʌ'wʌ yʌy nʌ minupʌ Diojsis ñʌquiʌsi. Viva. Yajwʌcotzamya yʌ'wʌ hasta tzajpojmo ijtyajupʌ's.

Y ñʌjayaju: Yʌ'šej ja'yʌyu: Ʌs ndʌc, Dios-oto'ŋʌquiuy tyʌcte'. Pero mista'm nu'mbawʌ's cha'tʌcše'a mis ndzʌcjaytyamu.

Nʌjaya yʌ'šej te' Sioŋ-gumguy itita'm: Minʌ quendamʌ, mista'm Rey yʌy nʌ minu, Ja'n myʌja'ŋdzʌquipʌ's wyin, burrapocsu'c nʌ minu, Y te'wʌ tzʌmi-copʌ'niste' 'yune.

Ñʌjayaju Jesujsis: ¿Jañdyu'ndamʌytya' te' Totojaye'ojmo nʌmbamʌy yʌ'šej? Te' tza' jašuñapʌ te' tʌctzʌquiajpapʌ's, Yʌ'wʌ minu yojsu aŋguinʌ tzo'tzcuquiotoya. Yʌ'wʌ tʌyʌ' Ngomi Diojsis quiojtu, Nguenba'ctʌ yʌ' maya'aŋbʌ tiyʌ, nʌmaya'patʌ.

Te'cotoya'ʌsmij ndzamjaytyamba mijta'm: Ja'nmij maŋu nyajtʌjcʌtʌjtamu aŋgui'mbamʌy Dios. Pero maŋba tyʌjcʌyaju aŋgui'mbamʌy ñe'cʌ eyata'mbʌ pʌn, quiʌna'tzʌyajpapʌ's ñe'cʌ's šunbašej.