Popular Bible Verses from Wa̍lta̍ Wānāa̍ Chi̍i̍sūa̍a̍ 11

Share

Mɛ̄ɛ̍ o̍ sa̍a̍lu̍ŋ ndu̍, ma̍ hūŋ nda̍ ndu̍ A̍ŋti̍ɔ̍ɔ̄. Le̍ wɔ̄sīo̍o̍ kpu̍lu̍ku̍u̍ nda̍ ŋi̍ɔ̍ɔ̍ŋ ā chō ku̍ndā wānāā lāāla᷄ŋnda̍ o̍ bɛ̄ŋgu̍ cho̍o̍ lo̍ŋ. Ma̍ pɛ̄ɛ̄kū wānāā fāŋgā fa̍ŋgā. A̍ŋti̍ɔ̍ɔ̄ lo̍ŋ nda̍ kāndu̍ wānāā lāāla᷄ŋnda̍ vēēlōo̍ ni̍ āā Ki̍li̍sīɔ̄ŋnda̍. Ko̍ŋ cho̍ ni̍, wānāa̍ to᷅l Ki̍li̍tī kɔ̄ɔ̄lī wa̍.

Mɛ̄ɛ̍ o̍ fu̍u̍lu̍u̍, mbo̍ chā mɛ̄ɛ̍ Mɛ̄lɛ̄ka̍ wa̍ nda̍ mālāa̍ yɛ̍, mbo̍ nāŋ kɔ̄l ta̍u̍. Mbo̍ sīlā nda̍ māā, nda̍ fa̍ū ā hīo̍u̍ la̍chi̍ a̍ hɛ̄na᷄ŋ Māsānɔ̄ɔ̍ Mɛ̄lɛ̄ka̍a̍ tōsāa̍ a̍ kɔ̄ltā nda̍la̍ŋ kpo̍u̍. Ba̍a̍na̍bāā wa̍ wānā kɛ̍ndɛ̄. Ndu̍yɛ̍, Nyi̍nā Kāsīo̍o̍ wa̍ ndu̍ kɔ̄ɔ̄lī ta̍u̍. Ma̍ tōsā mi̍ wāŋnda̍ ta̍u̍ a̍ mu̍lī kɔ̄lta̍ŋ o̍ Māsānɔ̄ɔ̍ lo̍.

Le̍la̍ŋ, mi̍ si̍nā māā nyɛ̄ Mɛ̄lɛ̄ka̍ ke̍ na̍a̍ lɔ̍ɔ̍ na̍a̍ ŋ̄ lāāla̍ŋ a̍ Ma̍sānɔ̄ɔ̍ Chi̍i̍sū Ki̍li̍tī wo̍, māā ndu̍ ko̍ni̍ o̍ ke̍ wānāa̍ cho̍ a̍ Chu̍ū le̍ wa̍ ni̍. I̍ nɔ̍ kpāāyā mī ku̍u̍na̍ Mɛ̄lɛ̄ka̍ nyɛ̄ o̍ hɛ̍na̍ŋ ndo̍ tōsāa̍?” Mɛ̄ɛ̍ nda̍ tūēī nyɛ̄ o̍ dīmī wo̍, ma̍ pɛ̄ŋgī ndu̍ pɛ̄ɛ̄sāa̍. Ma̍ kāndū Mɛ̄lɛ̄ka̍ ba̍li̍ka̍a̍ mēllo̍. Ma̍ dīmī āā, “Mɛ̄ɛ̍ wānāa̍ cho̍ a̍ Chu̍ū le̍ wa̍ bɛ̍ɛ̍, Mɛ̄lɛ̄ka̍ ke̍ nda̍ fo̍ndāa̍ le̍ mā ma᷄l yɔ̄ŋndā ndāla̍ wɔ̍ɔ̍ŋnda̍ŋ le̍ mā sɔ̄la̍ yōōmōo̍.”