Popular Bible Verses from DOOGIN 7

Share

Hoo At Sw Mojesnvn benum, “Kaato, ngo nam Parog agaho Pwnbo hvb mvpa kun, hoo noqg vbw Aaron noqgab nyiqry benbov.

‍Hvbmabde ngoqg kaaka-taka maanam mam la swrdorxeqkam naleqgo Ijipt gvdaho ngo nyisjaqkam, hoo ngo Parog hangam kamtwr mvtayin. ‍Paro nam tvjw ram. Ho ngoqg alaqkv Ijipt ho ngo laqdaq tayin hoo ngoqg dvparam, ngoqg nyiilu Israelwg ko tulungam, Ijipt gvda hoqgv koi jaqb pw-hwwnam bonam nyigdvl boolin tayin.

‍Hwdlo ngoqg alaqkam Ijiptam ngo ceekol hoo Israel nyiilungam bulug pengko hoqgv boolin yin, ngo At Swv hvl Ijipt nyi tulungv cengtayin.”

‍Ho Paro nyijwq-nyegam bo nyi tulungam, hoo nyioky nyub tulungam, hoo Ijipt gv gwwn-nyiqry kaanbo tulungam goqkumnum, hoo bulv kam ai dvb hvb nyinum. ‍Nyi vxiv mwwg beqnyiangam hurpnum, hoo hoq tuluhv tvbwb nyinum. Hvbmabde Aaron gv beqnyiangv bulug beqnyiangam dvmeqnum.

‍Soq sib At Sw bedo, “Ngo jaq At Swv hvl soq nyinam soqgv no cengtayin: kaato, ngoqg alaq beqnyia lvgab Nail pobu issam jwwdaq tayin, hoo hv uiyib nyikub tayin.

“Hwdlo Paro nulam betayin, ‘Nulv atv swrdorxeqb bonam nyigdvl nulv ham kaakin kaato,’ ho no Aaronnvn beto, ‘Noqg beqnyiangam naagdvl hoo ham Parog agaho hurp to, ho hoqhv tvb soogwb nyitayin.’” ‍Ho Mojes la Aaron Paro dookub wnum hoo At Swg gaml bekjaqb nyinum. Aaron mwwg beqnyiangam Paro gvla mwwg nyera tulug agaho hurpnum, hoo hv tvb soogwb nyiknum.