Popular Bible Verses from DOOGIN 8

Share

‍Gwwn-nyiqry bo tulungv bulug guunam-panam hoqgv diimwram tosub-toiyub gob mvdwb nyikanum, hvbmabde bulv nyinyi maanum. Ho nyiingam la svdin tulungam tosub-toiyub pv pumbumnum. ‍Ho Paro gwwn-nyiqry bo tulungam benum, “Soq si Pwnbog lvqcw ponyi nvmv.” Hvbmabde Parog hangam kamtwr mvnum, hoo mwv bulug benam mam tvjw maanum, At Swg benum hvb nyinum.

Ho At Sw Mojesnvn benum, “Paro dookub wgdvl mwam beta, ‘Soq sib At Sw bedo, “Ngoqg nyiilungam tolin tukbv, ho bulv ngam xumtayin.

‍Hvbmabde hwdlo tvtwq tulungv sixaq dukub Paro kaapa yin, mwv mwwg hangam kamtwr mvnum hoo bulug benam mam tvjw maanum, At Sw benum hvb nyinum.

‍Hvbmabde no ngoqg nyiilungam wwm mvma baloqkam, kaato, ngoqg gvdaho ngo tvtwq lvgab swlin-momin mvtayin.

‍Ho At Sw Mojesnvn benum, “Aaronnvn beto, ‘Noqg alaqkv ilin gvdwl hoo swcwg diimwram jwwdaqto, ho hoq tuluhv Ijipt gvda mwlwho tosub-toiyub tulu gob nyitayin.’ ”

‍Hoo At Sw hoqhvb nyinum. Parog namho hoo mwwg nyera tulug nam uraho eka tviyw ywwtwngv puml yvnum. Ijipt gvda mwlwngam eka tviyw ywwtwngv domyu-damcanum.