Popular Bible Verses from DOOGIN 9

Share

‍Hvbmabde soq pagoqkam ngo nam swwl doom dvn, ho swcw nvg aoso ngoqg eminam yuupy mvdwb.

Ho At Sw Mojesnvn benum, “Paro dookub wgdvl hoo mwam beta, ‘Soq sib Hibrug Pwnbo, At Sw bedo, “Ngoqg nyiilungam tolin tuku, ho bulv ngam xumtayin.

‍Soq mood nagub ngoqg alaqkam ngo laqrabl nam hoo noqg nyiilungam dooi-palam lvgab jwwk nyiloqkam, no swcw ao soqgv twrp kun pv.

‍kaato, At Swg alaqkv vc loodab noqg tuun-mee nyoro alo yvnbo ao lo laqdaq tado, svpur tulungam, svdam tulungam, svjin tulungam, sibin-svv tulungam, hoo sviya pvtwngam. ‍Hvbmabde At Sw Israel gvla Ijipt nyi tulug tuun-meengam vp-vpwb mwbwq tayin, ho Israel nyiilu gv dorg kam siram.” ’ ”

‍Kaato, aaram soq mood so ngo vc loodab nyodo taangam hom dvb mvtayin, hoqhv Ijipt gvdag swwlin yik hoqgv jaq soolo godab nyika maanam gob nyitayin. ‍Hoqgab sija kanam to noqg tuun-mee nyoro alo yvnbo mwlwngam nam cumciq golo boocum mvto, hoggab nyiam la tuun-mee nyoro alo yvnbo hoo nammwb boocum maanam tuluhv sitayin hwdlo bulug aoho nyodo taangv hodaq yin.” ’ ”

‍Hoqhv Ijipt gvda mwlwho albo diimwr akwb nyitayin, hoo Ijipt gvda mwlwho hil-pwpv nyiam la svdin tulug aoho pwlin tayin.” ‍Ho bulv wm muiyam naalayil hoo Parog agaho daqnum. Hoo Mojes hoqham dooiho taacanum, hoo hoqhv hil-pwp gob nyiknv nyiam la svdinam unv giilup kunum.