Popular Bible Verses from Marc 5

Share

Nó ó Yésʉs á lɛ́ɛ e né ó: «Mwân wǎm, búʼó yô, yɨ́ tiʼ gô. Mepyɛbla, mé díʼee go ɨ́ léme. Ekpaa lô, lé síaa.»

Ɨ́ bʉr baá, nyʉ́ʉ́ mʉ́má á be ó tɨ̂, metié lɨ́ esʉsolo ɨ́ nyʉ̂l. Nyé osí jâ le ekpaa laá mimbû kám e mimbá. Nye á be ɨ́ buú dûhwo mítúú lɨ́ esáǎ twiʼ kwá odɔ́bra ɨ́ buo buo, dímlě mɔnɨ́ yé yɨ́yɛ̂h lɨ́ esáa dʉ̂m. Sâ gwár, nye á bé atiʼe, ekpaa asíesie, bubwǎʼ bwaʼáa.

Tyé e tyé yaá, ekpaa e métié laá ntɔ̂ʼ gœ̂ʼ, nye ntɔ̂ʼ jʉ̂ʼra ɨ́ nyʉ̂l nyé ó, nyɨ́ tiʼe, le egʉ́a ó, nyé akǎ be le ekpaa!

Nye ntɔ̂ʼ mɛ̂r mwân waá ɨ́ mbô. Nye e né ó: «Talita, kum!» (Nó ó yé lɛ́ɛ́ ó: «Mâ mʉmá, mě lɛ́ɛ́ gó ó: mɔáa.»)

Yésʉs dína lɨ́ elwib nɛ́ɛ: bʉr o mílʉ́mlʉ́ ntɔ̂ʼ duhǒ mbɛ̌r mé Yárwis. Bé e njwɨ́ɨ waá ó: «Mónǒ, nyɨ́ dwe. Gǒ kǎ báʼǎ ntɨ̂ʼ lɛ̂ʼla ɨ́ yé?» Yésʉs nyɨɛ lɨ́ ekʉ́ jóʼo mékǎn bé á lɛ́ɛ má, nye á be yɨ́ɛ ó, anʉa mé, gbâ ɨ́ nkɔb. Nye nzě lɛ́ɛ e njwɨ́ɨ mpáh minjɨʼla ó: «Ayɨ́ jóʼo bʉ́á. Dyɛ́ʼwáá njɨ e me.»

(Nye á lwib nó ó, ebě, Yésʉs á si lɛ́ɛ e né ó: «Mbɨ́ǎ sísǐm, duhaa mʉ̂r nyâʼ ɨ́ nyʉ̂l!») Yésʉs ntɔ̂ʼ dî e né ó: «Díé lô, lê nzé?» Nye ntɔ̂ʼ yala e né ó: «Díé lâm, lé ó “Daa-e-méleme”, ebě, bɨ̌h bé ɨ́ buú buo.»