Popular Bible Verses from EŻODU 7

Share

U l-Mulej wieġeb lil Mosè: “Arani, jien nagħmlek qisek Alla għall-Fargħun; u Aron ħuk ikun il-profeta tiegħek.

U jien inwebbes qalb il-Fargħun, u għalkemm nagħmel kotra ta’ sinjali u mirakli fl-art tal-Eġittu, b’dan kollu l-Fargħun ma jismax minnkom. U mmidd idejja fuq l-Eġittu u noħroġ il-qtajja’ tal-poplu tiegħi, ’l ulied Iżrael, mill-art tal-Eġittu, u nagħmel ħaqq minnhom b’kastigi kbar.

U l-Eġizzjani mbagħad jagħrfu li jien il-Mulej, meta mmidd idejja fuq l-Eġittu, u noħroġ lil ulied Iżrael minn ġo nofshom.”

Imbagħad il-Fargħun sejjaħ l-għorrief u s-saħħara; u huma wkoll, is-saħħara tal-Eġittu, għamlu hekk bis-sħarijiet tagħhom. Kull wieħed xeħet il-ħatar tiegħu, u dawn saru sriep. Imma l-ħatar ta’ Aron bala’ l-oħtra tagħhom.

‘B’dan tagħraf li jien il-Mulej: Arani se nagħti b’dan il-ħatar fuq l-ilma tan-Nil u dan isir demm

“Meta l-Fargħun ikellimkom u jgħidilkom: ‘Agħmlu xi miraklu’, inti għid lil Aron: ‘Ħu l-ħatar tiegħek, u ixħtu fl-art quddiem il-Fargħun. Dan isir serp.’ ” U Mosè u Aron marru quddiem il-Fargħun u għamlu hekk kif kien ordnalhom il-Mulej: Aron xeħet il-ħatar tiegħu quddiem il-Fargħun u l-qaddejja tiegħu, u dan sar serp.