Popular Bible Verses from Lukasi 11

Share

Kehapirikau kadake, niisa mani mowei apa au maroa i anami. Apa mani Umami au ara i suruga! Batena ina mowei Inao Malelaha i tauna au merapi Iria.”

Mewali Kuuliangaakau: perapimide i Pue Ala, ina Naweikau. Haokimide apa au niparaluu i Pue Ala, ina nilambi. Tidongkomide baba, ina Nabungkahiakau.

Lawi hema au merapi ina rawei. Hema au masaoki ina molambi. Hema au motidongko baba, ina rabungkahia.

Nauliangaahe Yesu, “Ane mekakaekau, niuli node, Uma, kipomahile hangaMu au malelaha. Nupopewalimi poparentaMu i dunia.

Nuampungi wongkamia hangko i kamasalangki, lawi moampungi woringkai hema-hema pea au masala irikami. Hai inee wongkamia Nupogiangaa rakelo.”

Nuwei wongkamia paandeki au handa i alo-alona.

Matamu iami hulona watamu, lawi ane maroa matamu, manoto petotokimu. Agaiana ane wura matamu, makaindi ntepuu petotokimu.

“Bara ara hadua tauna au mohuwe hulo hai nabobongi. Hulo batena nawoli i paidaana bona pewangkana raita ope-ope tauna au mesua.