Popular Bible Verses from Lukasi 10

Share

Nipehadingi lolitaNgku: Kuweimokau kuasa moiheki ile ba topehingki hai kuasa monangi ope-ope kamarohona iwali. Bara ara hadua au peisa mopakarugikau.

Nauli Pue Yesu, “Marta, Marta! Inee karao inaomu, hai inee mampopengaa nupekiri. Katouana, ara hampaka au paraluu ntepuu; hangangaa mampehadingike Ngkorana Pue Ala. Iti au maroa ntepuu, hai itimi au napilei Maria. Hai apa au napilei Maria bara ina raala hangko iria.”

Nahanai guru agama iti, “Au kubasa, node: ‘Nipokaahi Pue Ala, Ampumi, i sukana kabulana lalumi, i sukana pekirimi, i sukana rohomi, hai i sukana kapandemi.’ Hai teuki wori: ‘Nipokaahi hangka rangami nodo pampokaahimi watami haduduami.’ ”

Nauliangaahe, “Tauna bosa nodohe pare au mangka. Ngkaia pare au mangkami, agaiana topepare barahe bosa. Ido hai hangangaa niperapi i ampu bonde bona natuduhe tauna lao mepare i bondena.

Roo indo, mekunemi Yesu i guru agama iti, Nauli, “Moula pelambiamu, hangko i tauna au talu inona, hema au mewali rangana tauna au rapakarugi iti?” Nahanai guru agama, “Tauna au motudungia ahina.” Nauli Yesu, “Kanami. Ido hai hangangaa nubabehi wori nodo.”

Laomokau, agaiana hangangaa maroa-roakau. Lawi Kutudukau lao i olonda tauna au kadake. Ikamu nodo ana dimba i olonda serigala.