Popular Bible Verses from Lukasi 9

Share

Hangko inditi, Yesu mouliangaahe ope-ope tauna, “Hema au mampeinao meula Iriko, hangangaa mokabaha peundeana haduduana hai alo-alona mohalea kau popakuana. Ane nodo, hangko peisari meula Iriko.

Hema au mokabaha peundeana haduduana anti peulana Iriko kehapiri rapapate, iami au molambi katuwo maroa. Agaiana hema au mampeulai peundeana haduduana bara molambi katuwo maroa.

Agaiana nauliangaa Yesu, “Tauna au mepongka mopajeko, bara peisa membalili i taleu. Nodo wori tauna au mampeinao meula Iriko agaiana mobuhuinao liliu apa pea au napalehi, bara hintoto mewali topobago i lalu poparentana Pue Ala.”

Apa bunduna morampuke ope-ope peawa i dunia ide, ane barake molambi katuwo maroa i alo pebotusi?

Hema au maea mopangaku peulana Iriko hai mampokaea paturoNgku, Iko wori ina maea mopangaku kaiana topeulaNgku i kahaweNgku hule hangko i suruga. I tempo iti, Iko, Ana Manusia, ina mendaulu mai hangko i suruga, hai ina meawaNa anti kuasaNgku hai kuasana UmaNgku hai peawanda malaeka au malelaha.

Nahanai Yesu, nauli, “Serigala ara kalolunda, hai tadasi ara haranda, agaiana Iko, Ana Manusia, bara ara sou au Kupaturui.”

hai Nauliangaahe, “Hema au modoko hai au motulungi anangkoi ide anti peulana Iriko, lempona Ikomi au nadoko. Hai hema au modokoNa, bara Iko pea au nadoko, agaiana modoko wori Pue Ala au motuduNa. Hema au mengkaiwoi, iami au mahile tuwona.”