Popular Bible Verses from Luk 3

Share

Mowur mụum oomo awe phọ ọmadan, kụ owur aani Jịzos. Ọdi odi rạaḅereghi ghan kụ okuaḍio phọ aghughuronu, kụ Uwaloor Iigbia phọ amite eye ịdipho ọkurughozo asoorom nyọdi. Kụ ẹḍogh ẹḍua kꞌạke kụ ẹḅem mọ, “Nạ kụ ogina Ọony phọ ạmi. Eḍighinom ịyaar phọ ạna kụ ịḅeeraan ịmi iboom.”

Esi ịduon phọ, ạJon ạḅeni oomo phọ ạbidi mọ, “Mị iwur inyina mụum, kụ ọpo ratu bọ upu ịmi. Mị ụ́manam ozuman ọokpo iḍigh arokoro phọ ọdi. Ọdi kạsighe Uwaloor Iigbia phọ rꞌạnian kụ iwurom inyina.

Ịmoogh rọozo awe lọ mokiton esi ịkaraph phọ ạbidi. Kéḍuom ologhi Ebraham ọde phọ ayira. Boonaan Ebraham kạ́tol, mem dị nyina eḍighi ịkaraph. Mị rịḅeni ni inyina mọ Ẹnaan ketue ni ẹsighe sighiigh phọ ịphen eḍighi nmụny ẹngo Ebraham.

Kꞌạnyiidipho ni bịn oseere ni akubu zin ạtorobo oreeny. Oreeny lọ úmuum igey iimuma koler ri oguom nịan.”

Ịdipho Azaya oyil phọ ạge bọ sịphe ạḍinya phọ ọdi mọ, “Oye atu ni rạlooghi ẹpe ẹdala phọ mọ, ‘Ọmoogh-we ratu. Iseleminaan eten phọ ọdi esele yogh iloghi phọ anyina. Iḅologh oomo ariḍiiny phọ eḍueghi eguphogh oomo ạraaḅaraph phọ rꞌaruugum mọ ẹeberemi, esele yogh oomo ịkulakula areten phọ, ẹḅile ẹegbenyon yogh rugbugh phọ. Kụ oomo awe kọmiin ni pẹleeny phọ Ẹnaan.’”