Popular Bible Verses from Luk 4

Share

“Uwaloor Ọmoogh-we phọ odianaan ni rꞌạmi, ịdi eḍighi bọ ọdi mụma ịmi ọsighe ooḅi ọghaaph oruom arukulom mọ. Ọdi murom ịmi ọghi ọghaaph ọḅeni ạbuo ikoli phọ mọ mosereghi bịdi, rꞌọngo ọmiin eten bụo ikpom ariḍien phọ; rꞌosereghi ạbuphe ọzerom bọ, rꞌogbeel mọ ḍịen kụ ạlha phọ Ọmoogh-we phọ kạngo bọ we ḍịseph phọ.”

Kụ ạJizos ạphagharanaan mọ, “Ọge ni sịphe ạḍinya iigbia phọ mọ, ‘Nạ kakpuḍian ghan ạngo eghuan Ọmoogh-we Ẹnaan phọ ạna, kụ aaseeny ghan nyọdi bịn.’”

Kụ ạJizos mọ, “Ọge ni sịphe ạḍinya iigbia phọ mọ, ‘Oye kạ́tolom eḍien bịn.’”

Kụ ạJizos, rꞌịikpo Uwaloor Iigbia phọ dị emuza loor, ạḍua Jọdan ratigheel, kụ Uwaloor Iigbia phọ ạpham ni nyọdi ạghimom ẹpe ẹdala phọ

Kụ ạJizos ạphagharanaan nyọdi mọ, “Ọge ni sịphe ạḍinya iigbia phọ mọ, ‘Kạ́degh Ọmoogh-we Ẹmugh phọ ạna apogh.’”

Kụ Eru phọ rẹdeghogh bọ Jịzos rephogh rẹman, bịn ẹwile nyọdi ẹḍua ekoriom ghan ẹnon eepoogh.

Kụ Eru phọ ẹsighe nyọdi ẹsiinye ạnyu kụ únyam ụḅatan bịn eḍeenaan nyọdi oomo areelhe aḅirini phọ. Kụ Eru phọ ẹḅeni nyọdi mọ, “Mị kạngo ni nyịna ịikpo ọdaam oomo phọ ịphen ạḅaram igbogh phọ ạbidi. Oomo ịphen phọ mọḅogh ni ụngo ịmi, kụ mị kạngo ni oye lọ ụḅeeraan ịmi. Esi ịduon phọ, nạ ameera akpuḍian ụngo ịmi eghuan, oomo ạraraar phọ ịphen ketu ni ịlo ạna.” Kụ ạJizos ạphagharanaan mọ, “Ọge ni sịphe ạḍinya iigbia phọ mọ, ‘Nạ kakpuḍian ghan ạngo eghuan Ọmoogh-we Ẹnaan phọ ạna, kụ aaseeny ghan nyọdi bịn.’”

Kụ Eru phọ ẹsighe Jịzos esiemi ẹpe Jeruselem ẹsiinye eekuna ạnyu Otu Ịiḅereghi phọ, kụ ẹḅeni nyọdi mọ, “Mọ ạna kụ Ọony phọ Ẹnaan ni, pọ pel sịen phọ akuruph. Ọge ni sịphe ạḍinya iigbia phọ mọ, ‘Ẹnaan kẹḅeni ni rụukpaany phọ ọdi mọ okori okoph nyịna, ọbo nạ kạnmighima ghan bọ owol loor aḍighiigh.’” Kụ ạJizos ạphagharanaan nyọdi mọ, “Ọge ni sịphe ạḍinya iigbia phọ mọ, ‘Kạ́degh Ọmoogh-we Ẹmugh phọ ạna apogh.’”