Popular Bible Verses from Matius 21

Share

Anaé, sapake' em pangileken iow an sombayang wo uli-ulit percayan iow, tantu sapa em pinangilek iow teriman iow oka.”

Isowat i Yesus ai séra, “En ulitna icua-Ku mangé ai camu, sa kamu mercaya wo ra'ica marua-rua wasa, kamu ro'na iméma' tanu si niéma'-Ku asi tuur in ara itu. Wo ro'na ka'i peréntan iow si tolaina anio', ‘Icaangkaio wo icawangkilo mangé an ta'sic!’, tantu en itu mamuali oka.

Wo sé tou keli mawaya' an dior-Na wo awéan ka'i sé makiit an somoi. Séra mewali-wali maangko', “Hosana a si taranak i Daud! Irayoo mangé Sia si mai ang karapi i ngaran i Amang Kasuruan! Hosana ai Sia asi tampa rumangka-rangka'!”

Wo icua-Na ai séra, “Ang Kitap Le'nas awéan en aipatic in tana'i, ‘Em balé-Ku patuulen oka é tou walé pengasombayangan.’ Taan niéma'o miow tampa mauwak sé tou!”

“Icuao mangé a sé tou an Yerusalem, ‘Sérén, si Colano miow maayo ai camu. Sia ko'kos en até, makalukut am bawo i esa keledai, si esa keledai wo'basé'.’ ”

Wo icua i Yesus ai séra, “Ra'ipé' réén binaca miow si aipatic ang Kitap Le'nas icumua in tana'i, ‘Watu aitiya' é bas, imamualio watu patuuran. Niéma' i Amang Kasuruan en itu, wo sérénta e niéma'-Na itu uli-ulit ra'io cakua!’

Ta'néien sumama-sama' en anio'! Indon oka sumawel i Amang Kasuruan en hak iow mamuali tou ang Kakolanoan-Na, wo iwéé-Na oka en hak iow itu a sé bangsa walina sé masalé' le'tek maéma' ing kasalé'an-Na. [