Popular Bible Verses from Matius 22

Share

Isowat i Yesus ai sia, “Mengaupus angé si Casuruan, si Amang Kasuruanmu ang karapi in lekep en atému, wo ang karapi im pakasa ing katouanmu wo ang karapi im pakasa im pakawerotmu. Siituo en ukum kumataré-taré wo si kataré. Wo si ukum karua si puté wo siitu, ‘Mengaupus angé sé kakélému in tou meputé kamu mengaupus in owak iow in esa.’

Asé rua ukum anioo em patuuran im pakasa in ukum Torat wo in sususuien é nabi.”

Kelian en tou sé tinowa muntep ang Kakolanoan i Amang Kasuruan, taan wayake' im pira eng kinasisiran.”

Ampa'paan asi endo sé tou imatéo touen sumawel, séra ra'io kumawéng wo kawéngen. Taan séra menonou oka meputé wo sé malaékat an sorga.

Turu'mai a Yaku en doit papakén iow mengawér im pajak!” Wo paalian éra mai a si Yesus esa dinar. Wo wuéien-Na ai séra, “Gambar wo ngaran i séi asi roit anio'?” Isowat éra, “Gambar wo ngaran i Kaisar.” Wo icua-Na ai séra, “Sa taniitu, iwééo a si Kaisar sapa si musti iwéé miow a si Kaisar, wo iwééo a si Amang Kasuruan sapa si musti iwéé miow a si Amang Kasuruan.”