Popular Bible Verses from MWAMBĨLĨLYO 28

Share

Na, sisya, nyie nĩ vamwe naku, na ngakũsũvĩa o kũla wĩendaa, na ngakũtũnga ĩngĩ nthĩ ĩno; nũndũ ndikakũtia, mũvaka neeka ũla nakũtavisye.

Na, sisya, Yeova aũngamĩte ĩũlangũ wayo, na amwĩa, Ninyie Yeova, Ngai wa Avalaamu ĩthe waku, na Ngai wa Isaka: nthĩ ĩla ũkomete, ngakũnenga we, na ũsyao waku

Na Yakovo aamũka kuma toonĩ, na asya, Nĩ w’o, Yeova nĩ voĩ vaa; nakwa ndyĩĩsĩ.

Na Yakovo eevĩta, akyasya, Ethĩwa Ngai akeethĩwa vamwe nakwa, na akĩnzũvĩa nzĩanĩ ĩno ĩla nĩendele, na kũnenga lĩu nĩye, na ngũa sya kwĩkĩa, nĩ kana nĩsyoke ĩngĩ na mũuo nyũmbanĩ ya nau, nĩvo ĩndĩ Yeova ũkethĩwa Ngai wakwa, nayo ĩvia yĩĩ yĩla naũngamya ta kĩtuĩ, yĩkeethĩwa nyũmba ya Ngai: na ndikatĩa ũkũnengae, we, kĩlungu kya ĩkũmi kya kyonthe kĩla ũkanenga.

na ũsyao waku ũkeethĩwa ta kĩtoo kya nthĩ, naku ũkanyaĩĩka ngalĩ ya ũthũĩlonĩ wa syũa, na wumĩlonĩ wa syũa, na ngalĩ ya ĩũlũ, na ngalĩ ya ĩtheo: na nthĩnĩ wakũ, we, na ũsyaonĩ waku mĩvĩa yonthe ya nthĩ ĩkaathimwa.

Na eeta syĩtwa ya vandũ vau, Mbethi‐eli: ĩndĩ mbee syĩtwa ya ndũa ĩsu yeetawa Lusu.