Popular Bible Verses from MATHAYO 21

Share

Na maũndũ onthe, o ala mũketya mũkĩvoya, mũkĩtĩkĩla, mũkoosa.

Na Yesũ asũngĩa, amea, Nĩ w’o nĩngũmwĩa, Ethĩwa mwĩ na mũĩkĩĩo, na mũikethĩwa na nzika, mũikeka ũndũ ũũ wa mũkũyũ w’oka, ĩndĩ o na ethĩwa mũkatavya kĩĩma kĩĩ, Kuwa nokĩkw’a ũkanganĩ, ũkeekwa.

Na makomano ala maendie mbee wake, na ala mamũatĩĩe, mookĩlya wasya mũnene, makyasya, Hosana, mwana wa Ndaviti: nĩ mũathime ũla wũkĩte syĩtwanĩ ya Mwĩaĩi; Hosana, ku ĩũlũ mũno.

na amea, Nĩkũandĩkĩtwe, Nyũmba yakwa ĩkeetwa nyũmba ya kũvoyea: ĩndĩ inyw’ĩ mwĩmĩtw’a ngunga ya avutani.

Mũtavyei mwĩĩtu wa Saioni, Sisya Mũsumbĩ waku nĩwũkĩte kwaku, Nĩ mũuu, atũlĩte ĩng’oi, O ndena, ndena ya ĩng’oi.

Yesũ amea, Mũtyaamba ũsoma maandĩkonĩ, Ĩvia yĩla yaleilwe nĩ aki, Yĩu yatw’ĩkie yĩla ĩnene ya kĩkotonĩ; Ũu nĩwaumie kwa Mwĩaĩi, Naw’o nĩ ũseng’yo methonĩ maitũ?

Kwondũ wa ũu nĩngũmwĩa, Ũsumbĩ wa Ngai ũkaumw’a kwenyu, na ũkanengwa mbaĩ ĩsyaaa mosyao maw’o.