Popular Bible Verses from Lúcas 1

Share

Dupade que ajéningapusu darúrique. Enga que cucha ibiratique cúsome Dupade.

Jecute María chojninga: –Yocangaráni Dupade irogue yu arĩ́e. Jecute yajéode u ujetiga uté doi dáyipiedie quigode ome yu, enga baruode udore tocade ome yu.– María chejna daruode udore guesi ome Dupade utocaidi enga jé u uje uté jno.

Enga Dupade utocaidi chojningame María: –Dupa Pujnuéngaisṍri Ujopié Espíritu Sánto a chise ua jne. Enga a chaparu babai jne. Gajnui u ujetiga agúsiji gue abujáraque ajei. Babi uté a garani upúsu Dupade jne. Jecute a ueque jne ome pisijnaringuéone. Enga a ore chĩ́care Dupade abi aja jne.

A anínapúsu ua uje que otigase Dupade ojningane cucha ome ua uje a tocade jnese jne.

Enga chojningápome rĩ: –A jeque ua jne, enga diga babi base jne enga a ojningame jne, Jesús. Ga a eduguéjna cuchape babi jne. Uje ajnai tu dayé Dupade gu ome úringai eduguéjna cuchape. Ga a ajnai tupo eduguéjna cuchábi David to rĩ uje bãrapi tu gu. Enga israélgosode a ore cho deduguéjna cuchábi iji uté jne. Enga úringai eduguéjna a ca íjnoque jne.

Mu Dupade utocaidi chojningame María: –Ca atodo yu. Ueradépise Dupade áyipiedie ome ua.