Popular Bible Verses from 1 Samuwele 8

Share

Se MKOMA a to khene ka Samuwele: Engisa mapswi a vathu ka toshe ti va no kugela, nguko kha va lambi awe; kambe ngani va ni lambako, kasiku ani ni si fumi txitimwi kwawe.

Madingano ni yotshe mithumo yile va nga yi maha, kukhukhela ka ditshiku dile ni nga va humisa Egipta kala ka ditshiku da nyamsi, va ni lekile koko, kambe veya thumela simwani sizimu, ngu toneto va nga kumaha nawe.

se va txi kha vona kwakwe: Wona taku se u kumbile, kambe vanana vako kha va tsimbile ngu tinzila tako; hi emisele mfumeli koko, konkuwa, kasiku ene a na hi lamula, kufana ni kule otshe matiko ma ku ni vafumeli. Kambe dipswi e do di manekile di di bihile masoni ka Samuwele, mbimo yile va nga kha vona: Hi ninge mfumeli, kasiku e hi lamula. Se Samuwele a to maha mkombelo ka MKOMA.

Hambi keto, vathu kha va lava kuengisa dipswi da Samuwele; se va to kha vona: Ahim-him, kambe ku na ve ni mfumeli txitimwi kwathu.