Popular Bible Verses from YESAYA 56

Share

Ki TUHAN in noguman kon umat-Nea, “Aidaidon onu inta moadil bo inta noyotombutung in hukum-Ku. Sin topiḻikpa bo Akuoi in mamangoi moposaḷamat kon i monimu bo koadilan-Ku in poniata.

Barakatan-Ku in intau inta moḷukad kon singgai in Sabat bo diá noponajis in singgai tatua. Intau inta diá nogaid kon inta moraat in pomiaan-Ku kopiaan.”

Ki TUHAN in noguman kon intau mita ango-angoi inta ain noituot kon bonu in umat i TUHAN, inta motabi kon i TUHAN bo inta noibada kon i-Nia, inta nohoromat kon singgai in Sabat bo nosatia kon dodandian-Nea, “Moiko in diaan-Kubí mayá in Sion, mayá in tombuḷud-Ku inta motusi, bo ogoian-Ku in ḷunganga in gina kon Baḷoi pooibadaan-Ku. Kuruban mita inta pinosumba monimu kon mezbah-Ku in tarimaan-Kubí. Baḷoi-Ku in tangoionbí baḷoi pososambayangan in bayongan bangusa.”