Popular Bible Verses from O KISAH RASUL-RASUL 2

Share

O Petrus wohaluhu, ”Nimatoba bötohi nidiai o baradoha. Deʼ kiani ngini moi-moi iniohiki de o Yesus Kristus airomanga, hupaya niabaradoha ihiapongo. Roriadodoto aha niatarima o ngongike ma Jou Madutu ai Womaha, ma Jou Madutuino.

O nyawa gënanga de manga hininga magoungu imädotoko hokogenangika o rasul-rasulino, deʼ hokogenangika imatotoömu. Onanga yol̄omo kä imatotoömu de yohubayanga kä imatotoömu.

Onanga mata-mata yakuaha ma Jou Madutu ai Womaha, deʼ yomuläenge yotemo-temo de irupa-rupa o demo mahomoa. Onanga yotemo imoteke okia ihidöaka o Womaha gënanga onangika mangale ihidemo.

I todokanino yoihene o ilingi o dihanguku hokä o rato iwuwu. O tau kiaka o nyawa yowöe-wöe gënanga yogogerika, mata-mata iömanga de o ilingi gënanga. Daha önanga yamäke o äkiri-o äkiri matero o uku itahe okiaika dika deʼ itangi onangika moi-moi. Onanga mata-mata yakuaha ma Jou Madutu ai Womaha, deʼ yomuläenge yotemo-temo de irupa-rupa o demo mahomoa. Onanga yotemo imoteke okia ihidöaka o Womaha gënanga onangika mangale ihidemo.

O wange higëtongo önanga hokogenangika imatoömu ma Jou ai Tauoka; önanga yol̄omo kaimatotoömu, manga tau-tauika önanga de manga mörene deʼ manga hininga itipokouku. Deʼ onanga hokogenangika iwihigiriri ma Jou Madutu deʼ yaigo o nyawa mata-mata. O wange mahigëtongo manga gegëtongo önanga idogo-dogo, hababu ma Jou wohidöaka onangika hagala o nyawa yahihohalamati.

Ma Jou Madutu wotemo, ’O öraha mabahaka, Ngohi aha tadogöpoa Ahi Womaha o nyawa mata-matauku. Niangoha-ngohaka o nau-nauru deʼ niangoha-ngohaka o ngongoheka aha inihi ngahu nginika o hali-o hali Ngohi tahingahu onangika. Nia nyawa yogögö aha yamäke o hali-o hali Ngohi tahi matoko onangika. Nia nyawa yatotimo-timono aha yonänere mangale o nänere Ngohi tahidöaka onangika.

O nyawa yongaku-ngaku gënanga yorimoi deʼ okia tö önanga, mata-mata önanga yapäke. Manga baranga deʼ manga arata to önanga, önanga yahukunu, daha önanga imahikodoku matiwi önanga mata-mata, manga hidogoronaka imoteke manga paralu moi-moi.

Oraha gënanga, o nyawa imahi böaka ma Jouika aha yahihälamati.’

O wange aha idadi ihühutu, o mede idadi itökara hokä o awunu i hira de ma Jou ai Wange o Wange ilamo-amoko deimo mulia gënanga iböa.