Popular Bible Verses from O KISAH RASUL-RASUL 3

Share

Hababu gënanga Roriadodoto, nitoba ibötohi nidiai o baradoha deʼ nimakilioro ma Jou Madutuika, hupaya Unanga waëhe niabaradoha.

Mä o Petrus witemo unangika, ”Ngohi duruhe ahi tiwiö de koiwa. Mä okia naga ngohioka, gënanga aha ngohi tonihidöaka ngonaika: De o Yesus Kristus aikuaha o Nazaret manyawa gënanga, notagi!”

Daha o Petrus wasö aigiama maniraka o nyawa wolugu-lugu gënanga, deʼ wiriwo ünanga womomiki. Gila-gila ail̄ou o nyawa gënanga deʼ ai pupungu idadi ikuata. Daha ünanga womatötubo womaokoil̄e, deʼ womuläenge womadagi wakaika wakaino. Ahao ünanga wowohama ma Jou ai Tauika imakinïki o Petrus deʼ o Yohanis woma dagi de womatotötubo deʼ wihigiriri ma Jou Madutu.

Ngini niamäkeoka deʼ niahakihi okia idadi de o nyawa wolugu-lugu nënanga. Unanga wokuatoka deʼ wotogumokali karana ünanga wongaku o Yesusika deʼ Ai kuahaika. Karana wingaku o Yesusika o nyawa nënanga wodadi wotumuloaokali niahimangoka ngini mata-mata.