Popular Bible Verses from लूका 3

Share

पर यूहन्नै रै जेल होंणै न पैहलै एक रोज़ ज़ैबै बोहू लोकै बपतिस्मा लेऊ, ता यीशुऐ बी बपतिस्मा लेऊ। ज़ैबै यीशु प्रार्थना केरदा लागा तैबै स्वर्ग खुलू। तैबै न बाद पवित्र आत्मा कबूतरै रै रूपा न आत्मा आपु पैंधै उतरी होर स्वर्गा न एक आवाज़ हुई “तू मेरा प्यारा बेटा सा, हांऊँ तौ न खुश सा।”

तैबै यूहन्नै तिन्हां सैभी बै बोलू, “हांऊँ ता तुसाबै पाणियै लाइया बपतिस्मा देआ सा पर सौ छ़ेकै ऐणु आल़ा सा ज़ो मूँ न शक्तिशाली सा। हांऊँ ता एस लायक बी नी ऑथि कि तेइरै बूटै रै तस्मै खोलनू। तेई तुसाबै पवित्र आत्मा होर औगी सैंघै बपतिस्मा देणा।

सबूत देआ कि तुसै सच़ीऐ पापा न पश्चाताप केरू सा। होर आपणै-आपणै मना न ऐ मता सोच़ा, कि आसरा बापू अब्राहम सा; किबैकि हांऊँ तुसा न सच़ बोला सा परमेश्वर इन्हां पात्थरा न अब्राहमा री तैंईंयैं औलाद पैदा केरी सका सा।

परमेश्वर तुसाबै सज़ा देणै री तैंईंयैं त्यार बेशु सा, ज़ैण्ढै एक मांहणु फ़ौल़ नी देणै आल़ै बूटै रै जलाड़ै बै काटा सा, तैण्ढाऐ परमेश्वरै ते लोका बी आँगी केरिया औगी न पाणै ज़ो शोभलै कोम नी केरा सी।”

ऐ भविष्यवक्तै यशायाह आपणी कताबा न यूहन्नै रै बारै न ऐ लिखू सा: “सुनसान ज़ैगा न एक पुकारनू आल़ै री आवाज़ शुणिदी लागी सा, प्रभु री तैंईंयैं बौत त्यार केरात्, तेइरी सड़का सीधी बणात। हरेक घाटी भौरूई लोड़ी, होर सैभै ढौग ता धारा निशटी केरिनी, होर ज़ो डैंगा सा सौ सिधा केरिना होर ज़ो उथड़ा-निष्टा सा सौ बराबर केरुआ लोड़ी। हर ज़ैगा लोका हेरना कि परमेश्वर लोका बै कैण्ढै बच़ा सा।”