Popular Bible Verses from Abhaëfësö 4

Share

Mokorrane amangʼana amaiya, mohanshane na mwabherane kya bhono Waryobha yaabhabhëëyë okohetera ku-Yëësu Kiristo.

Mwihoote ko-ghonswe igho ghano mokokora, mobhe abhahaabhu, möghömërri na ököghömërrania ukwa okohanshana.

Motakaaghambanga amangʼana amaghogho. Kasi moghambenga amangʼana amaiya ghano ghakotogheka mukumo ughwa bharikyënyu.

Muruusi mo-senkoro isyënyu öbhörrö bhwonswe igho, okoregha, okorerra, riihë, amatöki, na obhoghogho bhwonswe igho.

Hano mwarerra, okorerra ukwënyu kuyö, kotakaaghera mokore ëbhëbhë, iryobha retakaaghwa mökërëërëëyë. Motakaahaana Oghosambwa umweya ughwa okobhashaasha ko engʼana kya iyö.

Abhëëghya abhëënyu bhaabhëëghya igha, mutighe seteemo isyënyu isya kare seera, seno syaabhasikyanga, isya ubhunyanku ubhwa oronamba rono rwaabhangʼënërryanga. Bhakabhatëëbhya igha, mutighe Waryobha abhakore bhohya mo-maitegherro aghëënyu. Ghwiki igha, mobhe na eteemo eehya iya ituubho iya Waryobha ko bhoheene ubhwa heene na öbhöhörëëru.

Mokore omotono ughwa ököghëndërrya okobha na öbhömwë bhono Umwika Ömöhörëëru uwa Waryobha akohaana abhantö, bhaikarana bhuuya ko omorembe.

Uyö we yaahaayë abhantö abhandë obhotoro ubhwa okobha abhatomwa, abhandë bhabhe abharööti, abhandë bhabhe abhainjirisiti, na abhandë akabhahaana obhotoro ubhwa okobha abhakaraabhërri, bhakaraabherrenga na ukwëghya. Yaakörrë igho, okore abhantö bhayö bhasëëmi abhantö abha Waryobha, bhakorrenga Waryobha emeremo. Ghwiki ikyëndë ni-igha, Abhakiristo bhanaghe. Abhakiristo bhayö, mbo bhakobherekerwa igha, ömöbhërë ughwa Kiristo. Engʼana iyö, neraaghëndërri igho, okohekera hano bhëëtö bhonswe igho, torebha abhamwë ku umukumo ughwëtö, na okomanya Omoona uwa Waryobha. Ntorebha abhakumya bhano bhaahera ku umukumo ughwëtö. Ghwiki ntoraabhe abhantö abha heene kya Kiristo ono arëngë uwa heene.

Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho. Kasi ikya okokora no-koteebhania obhoheene ubhwa Waryobha ku righonshe. Tobhe abhantö abhakörö ko amangʼana ghonswe igho. Tutuubhane na Kiristo ko bhoora Kiristo n-kya omotwe ko abhasoorani abhaaye.