Popular Bible Verses from Abhaëfësö 5

Share

Mbe, ku bhuyö ni-igha mweghe eteemo iya Waryobha, ko bhoora igha bhëënyu, m-baana abhaghonshe abha Waryobha mörë. Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

Ku bhuyö mwiyangarre eteemo iyëënyu, motakaabha na eteemo iya ekekangi, kasi mongʼainihe. Mokore emeremo bhuuya ko-nkaagha eno, ko bhoora igha, ikyaro reero eno kyasareka.

Motakaaghootwa na amarwa, ko bhoora okoghootwa na amarwa nkoghera körë ömöntö akora amangʼana agha sënsöni. Kasi bhëënyu mutighe Umwika Ömöhörëëru abhatangate ko amangʼana ghonswe igho. Mushumaasheranenga ko-sezabhuri, amarëëtyö na sëtënzi isya mo-nkoro. Mushomerwenga na ökörëëtërya Omonene Yëësu. Mukuminga Taata uwëëtö Waryobha nkaagha syonswe igho, ko amangʼana ghonswe igho, ko okoghera iya amangʼana ghano Omonene uwëëtö Yëësu Kiristo yaakora.

Ku bhuyö motakaakangiha, kasi mongʼainihe, mokore omotono ughwa okomanya keno Omonene Yëësu akutuna igha mokore.

Bhëënyu abhatëti, ni-igha mohanshe bhakëënyu kya bhono Yëësu Kiristo yaahanshirë ekanisa iyaaye, kora akaikwera.

Nokaanyoora igha kare hayö mmu-kisuntë mwaarë, kasi bhoono igho mösöhirë mo-bhorabhu ko bhoora mobhaayë na öbhömwë na Omonene Yëësu Kiristo. Ku bhuyö mokore amangʼana kya abhantö bhano bharëngë mo-bhorabhu.

Mwihooterane bhëënyu abheene ko bheene, ko bhoora igha, nkosooka mörë Yëësu Kiristo.

Bhëënyu abhakari, ni-igha mwihoote ko-bhashaasha abhëënyu kya bhano mukwihoota ko-Monene

Ndamarërrya amangʼana aghaane ko okoghamba igha, ni-igha umushaasha ahanshe mokaaye, kya bhono ahanshirë ömöbhërë ughwaye umwene, na omokari wonswe asooke mushaasha uwaaye.

N-kya bhono yandëkirwë mo-Maandeko Amahörëëru igha, “Ku bhuyö umushaasha naraatighe suwaabho na nyakuwaabho, aghootane na mokaaye. Abhantö abhabhërë bhayö, nkobha bharë kya ömöbhërë öghömwë.”

Motakaaghootana okokora amangʼana ghano ghataana ubhwera, ghano ghakokorwa na abhantö abha mu-kisuntë, kasi mohamere amangʼana kya ghayö.