Popular Bible Verses from Juan 14

Share

—Laman oj ka ajyanik, jastal laman ayon ja ke'n, ja iti, mi oj slaj ja jastal wa sk'ana ja swinkil ja lu'um iti. Mok chamuk a k'ujolex sok mi lom la xiwyex yuj ja jas jelxa mojan oj ek'uki.

Ti alji yab' yuj ja Jesusi: —K'en ja b'ejoni, ja smeranil sok jas sak'anili. Mokto yuj ke'nuk mini jun ma' oj k'otuk ja b'ay ja Dyos Tatali.

Tsa'an ja Jesusi, ti yal yab' ja sneb'uman jumasa: —Mi lom xcham a k'ujolex. K'u'anik ja Dyosi, cho k'u'anonik ja ke'ni.

Oj jakuk ja Espiritu Santo ojni skoltayex leka, oj sjek ja Tatali, b'a ye'nxa oj kanuk ja b'a jlok'oli. Ja Espiritu Santo oj ch'ak sje'a wi'ex spetsanil ja kosa jumasa, ojto ch'ak ya juluk a k'ujolex spetsanil ja jas ch'ak je'a wi'exi.

—Ja ma' wa sk'u'an ja kab'ali, sok wa sk'u'lan ja jas wax kala, yujni meran yaj wax yabyona. Ja ma' yaj oj yabyon jastal jawi, yajni oj ab'juk yuj ja jtati, cho jach'ni ja ke'n jel yaj oj kab'i, oj cho je' jb'aj yi jastalon ja smeranili.

Jaxa ke'n oj kal yab' ja Dyos Tatal a sjek a wi'ex ja Espiritu Santo, b'a ye'n tola bida oj skoltayex, cho ti'ni oj ajyukon a mokexa. Ja jas oj sje'awi'ex ja ye'n, ja smeranili. Ja ma' mi sk'u'an ja Dyosi, kechan ja cham k'ujolxta ay yuj ja jas wax ek' ja b'a lu'um iti, mi oj b'ob' yi' ja Espiritu Santo, yuj ja mix yilawe sok mi sna'awe sb'aj. Ja we'nlexi, waxa na'awex sb'aj yuj tey a mokexa, tola bida tey b'a wa nalanex.

Ja ke'n oj ni ka'wi'ex spetsanil ja jas oj a k'an'ex ki'i. B'a jach' ke'n oj je' yi'e jastal jaw ja kristyano jumasa, ja yip ja Dyos Tatali. Chikan jas oj a k'an'ex yuj ja jb'i'il ke'n ojni ka'wi'exa, —xchi ja Jesusi.

—Ja we'nlexi ti oj ja je'ex ta yuj k'a yaj waxa wabyonex merani, ojni a k'u'lukex ja jastik wax kala'a.

Ja b'a snaj ja jtati, jel ja b'a oj ajyukotiki. Ja' lek mi meranuki, mi oj kal a wabyex wajumon schapjel ja b'a ajyaniki.

Tsa'an yajnix chapxi kuj ja b'a ajyaniki, ti oj jak ki'exa. B'a ti oj ayukotikik la jana, ja b'a'yon ja ke'n ti oj ajyanik ja we'nlexi.

Ti alji yab' yuj ja Tomasi: —Kajwal, mix na'atikon b'a wajuma'a, ¿Jastal oj na'tikon ja sb'ejil oj ki'tikon b'a? —xchi ja Tomasi.