Popular Bible Verses from Juan 15

Share

—Ja jneb'uman ma' tey jmoki, sok ja ma' ti ayon sok ja ke'n, lajan sok ja yak'il ts'usub' b'a jel wax ya'a ja sati; ta ay k'a junuk ja we'nlex wa spila sb'aj jmok ja ke'n, mini jas oj b'ob' sk'u'luka.

—Ja we'nlexi, yuj k'a ti ayex jmoki, jach'ni ja ke'n ti'ni oj ayukon a mokexa. Wan xaxa na'awex jun k'ab' ts'usub' mi oj b'ob' satinuk ta mi k'a ti nok'anuk sok ja ste'ili. Cho jach'ni ja we'nlexi, ta yuj k'a mi ti' nok'anukex jmoki, mi jas oj b'ob' a k'u'lukex.

Jaxa we'nlexi yuj k'a ti' ayex jmoki, wa'n k'ax cho a k'u'anex spetsanil ja jas je'unej a wi'exi, spetsanil ja jas oj a k'an'exi, ojni ya'wi'ex ja jtati.

—Ja we'nlexi mi we'n a tsa'awonex, ke'n jtsa'awex ja we'nlexi. Jekawex b'a oj wajanik b'a jach' oj ajyanik jastal ja yak'il ts'usub' b'a tola bida wax satini. Jach'ni ja we'nlexi, ojni ya'wi'ex ja jtat ja jas oj ja k'an'ex yi yuj ja jb'i'il ke'n.

Mini jun ma' oj b'ob' sje' ja syajal sk'ujola, kechan ja ma' oj ya' ja sbida yuj ja smoj jumasa.

Ay k'a junuk ja sk'ab jumasa mix satini, ja jtati wa sk'utsu ele; jaxa k'ab' ts'usub' jumasa b'a wa'n satineli, wa sxajla, b'a jach' oj satinuk lek.

Ja it ja wax kala wabyexi: Yajta a b'ajik sok wa mojex jumasa, jach' jastal yaj wax kabyex ja we'nlexi.

Ja we'nlexi, wan k'a la satiniyex, jach' k'a la ajyiyex jastal jneb'uman ke'na, jel gusto oj ajyuk a mokex ja jtati.

Ja Jesusi, cho yal yab' ja sneb'uman jumasa: —Ke'non ja sk'ab ja ts'usub'i, jaxa Dyos ja jtati, ye'n wa stalna.

Ja ma' mi tey jmok ja ke'n, ja' oj slaj ja yak'il ts'usub' it mix satini: Tsa'an wax k'utsxi, wax jipxi ele yajni wax takji, ti wax lapxi sk'ajk'ala.

—Wax ch'ak kala wabyex spetsanil ja iti, b'a gusto oj ajyanik jastal ja ke'n.

Yuj k'a waxa k'u'anex spetsanil ja jas je'unej a wi'exi, jach'ni ja ke'n tola bida oj yajtayex, jach' jastal wa syajtayon ja jtat ke'n yuj ja wax k'u'an spetsanil ja jas wax yala kab'i.

Ja'yuj wax kala wabyex ja iti: Yajta a b'ajik sok wa mojex jumasa.

Ja ye'nle'i, oj syajtayex ta yuj k'a jachukex ja we'nlex jastal ja ye'nle'i. Ja we'nlexi mixa jachukex jastal jawi, yuj ja ke'n jtsa'awexta b'a mixa jach' oj ajyani jastal ja ye'nle'i. Ja'yuj ja ye'nle'i, wa staklayex ja we'nlexi.