Popular Bible Verses from मत्ती 21

Share

गानी थो़रलु़नी माला सो़म्‍दीडा हाम बिनी, मेराम ल्‍वानी।”

येशूका र्‍वाम्‍डी, “गानीलाई गो आच्‍छाङा र्‍वाङु, गानी थो़रलु़नी, मा इनीमा नड्‌डा मेमुर्सिनी माला बैससीकु धक्‍सालाई गो बेउतोम होप्‍माम नुङ हापा डोक्‍पु खारी बोमु चाम्‍नी। ओराम पोप्‍चङलाई वो ‘होसामा दिरिदिनगोयु़ आल्‍सा’ र्‍वानी, मा मेमङा दु़म।

येशू मु़चु़मिमकु थेतेडा बाम्‍डी, मा उनी होनोलाम-आथो़लाम बाट्‌पा खोत्‍ले मु़चु़मिमका आरे र्‍वाक्‍तो येम्‍डी, “दाऊदकु तारापाचो़लाई होसन्‍ना! मिप्रङमाकु नङडा योक्‍पा गुमी जिनुङमा सो़! येप्‍पा पाह्रीलाम माम्‍चु़नीलाई होसन्‍ना!”

गुमीका मेर्मिमलाई र्‍वाम्‍डी, “माम्‍चु़नीकु सिजेमडा र्‍याक्‍मा बु, ‘आमा सो़रनेम सो़म्‍दी बेखोप नेम दु़म, लावो गानी ने ओरामलाई खुचु़वामिमकु घ्रो़म्‍खोप बुडखुम बनेबेन्‍निम बु’।”

“सियोनकु जाउमोचो़लाई र्‍वाक्‍नी, रेप्‍डा, इमा हप इमाडा बिक्‍तोङा बोमी, याक्‍के दु़म्‍साका गधाडला हुसाका, गधाकु चो़डलामका हुसाका बिक्‍तोङा बोमी।”

येशूका मेर्मिमलाई र्‍वाम्‍डी, “माम्‍चु़नीकु सिजेमडा ओराम ल्‍वा हाम गानी हेल्‍लो वो डाट्‌निम मिबु? ‘नेम चिर्पा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता, मिप्रङमाका आरे बेम्‍डी, इकीमा मिक्‍सीलामडा ओराम ङाङाया दु़म्‍सीमिम बु।’

“मेम्‍मिमका गो गानीलाई र्‍वाङु, माम्‍चु़नीकु किब्‍दी रोला सो़न्‍सिनी, मा ओरामकु मा सिन्‍बेट्‌पा मु़चु़मिमलाई माम्‍चु़नीका ग्‍वामी।