Popular Bible Verses from ZĨRINƆ 1

Share

Tó Luda Nini kìpaáwa, áni gbãna le àgɔ̃ de ma sèedadenɔ ũ Yurusalɛmu kũ Yudea bùsu gu sĩnda pínkio kũ Samaria bùsuuo ari à gɛ́ pɛ́ andunia lɛ́a.

À wèḿma à pì: Á zɛ́ vĩ àgɔ̃ gɔrɔ kesɔ̃ gɔrɔ zaka kũ ma De dìtɛ kũ a zĩda ikooo dɔ̃ro.

Kũ ò kakarana, akũ à pìńnɛ: Àsun bo Yurusalɛmuro. Àgɔ̃ lɛ́ kũ ma De sɛ̀árɛ dã, lákũ ma a yã òárɛ nà. Zaakũ Yahaya gbɛ̃nɔ da'itɛ kɛ̀ í gũmmɛ, ama gɔrɔ pla la mani á da'itɛ kɛ Luda Nini gũn.

Zaakũ a ganaa gbɛra à a zĩda mɔ̀ńnɛ à sèedayãnɔ kɛ̀ńnɛ dasi kũ à tò ò dɔ̃̀ sikaa sari kũ à bɛ̃nɛ. À a zĩda mɔ̀ńnɛ gɔrɔ bupla à kpata kũ à bò Luda kĩnaa yã òńnɛ.

Yã bire onaa gbɛra Luda a sɛ̀ ń wára ari à gɛ̀ɛ à sã̀tɛ ń wɛ́a ludambɛ lukun.

A tanaa gũn lákũ ń wɛ́ pɛ́ ludambɛa nà, akũ gbɛ̃nɔn pla kenɔ bò ò zɛ̀ ń sarɛ ò pɔ́kasa puranɔ dana. Ò pì: Galili bùsudenɔ, à kɛ̀ dera á zɛna átɛn ludambɛ gwaa? Yesu kũ Luda a bò á tɛ́ à tà kãao a kĩnaa pìi, ani ɛra à su lákũ a è àtɛn tá gwe nà.