Kũ ò pɔ́ blè ò làka, Yesu Simɔ Pita là à pì: Yuhana nɛ́ Simɔ, ń yemai de gbɛ̃ dínɔla yá? À wèa à pì: Ee Dikiri, ń dɔ̃ kũ má yenyĩ. Yesu pìnɛ: Ǹ pɔ́ble kpá ma sãnɛ bɔ̀rɔnɔa. A gɛ̃̀n plade Yesu ɛ̀ra à a là dɔ à pì: Yuhana nɛ́ Simɔ, ń yemai yá? À wèa à pì: Ee Dikiri, ń dɔ̃ kũ má yenyĩ. Yesu pìnɛ: Ǹ ma sãnɔ dãmɛnɛ. À a là a gɛ̃̀n aakɔ̃de à pì: Yuhana nɛ́ Simɔ, ń yemai yá? Kũ Yesu Pita là a gɛ̃̀n aakɔ̃de tó à yeai, a pɔ yàka, akũ à pìnɛ: Dikiri, ń yã sĩnda pínki dɔ̃. Ń dɔ̃ kũ má yenyĩ. Yesu pìnɛ: Ǹ pɔ́ble kpá ma sãnɔa.