Popular Bible Verses from Mako 10

Share

Mwomwo naMwanamutu nawa kejile mangana vamuzachilengako, oloze mangana avazachilenga nakusuula mwono wenyi kupwa ndando yakusokola vavavulu.

Yesu avatalile, kaha ambile ngwenyi, Kuli vatu kachahashiwako, oloze kuli Kalunga keshi ngochoko, mwomwo Kalunga ahasa vyosena.

Yesu amwambile ngwenyi, Yakonga kwove, lufwelelo lwove lunakuhindula. Hahaze vene amwene, kaha akavangijilenga Yesu mujila yenyi.

Shikaho echi nanungu Kalunga, mutu kanda akachihandununako!

Omu Yesu amutalile, amuzangile, kaha amwambile ngwenyi, Kuli ove kunalihono chuma chimwe. Yako, lanjisa vyosena watwama navyo, nakuhana vaka-kuhutwa, kaha naupwanga naluheto mwilu. Kaha twaya, ngukavangizenga.

Yesu amuhulishile ngwenyi, Unasake ngukulingile ika? Uze kapuputa amukumbulwile ngwenyi, Ove Laponyi , ngunasake meso ami amone mwane.

Jino muli enu, kanda chikapwa ngochoko. Oloze weshowo mwasaka kupwa wamulemu muli enu, kuvanga apwenga muka-kumizachila.

Mwamuchano nangumilweza ngwami, Weshowo mwakana kutambula wangana waKalunga ngana mwamwana wamundende, keshi kukengilamoko.

Oloze vavavulu vavalemu navakapwa vakukuminamo, kaha vakukuminamo navakapwa vavalemu.

Oloze kufuma kukuputuka chakutanga vyuma, Avatengele ou lunga ou pwevo. Hakiko lunga mwasezela ise nanaye nakulinunga hamwe napwevo lyenyi, Kaha ava vavali navapwanga mujimba umwe. Ngocho kaveshi cheka vavaliko, oloze vanapu mujimba umwe.