Mako 10

Yesu mwanangula hachihande chakujiha ulo

(Mat 19:1-12; Luka 16:18)

1Akatukile kufuma kuze nakuya mungalila yaYuleya, nayize yamusali yaYotau. Kuli Ikiye kwejile cheka mazavu avatu, kaha cheka nawa, ngana muze alingilenga, avanangwile.

2Kaha vaFwaliseu vejile kuli Ikiye, vamuhulishile nakumweseka ngwavo, Mwaya Jishimbi, choloka lunga kulukulula pwevo lyenyi tahi?

3Ikiye avakumbulwile ngwenyi, Mose amilwezele ngwenyi ika?

4Vakiko vambile ngwavo, #Lush 21:1-4Mose etavishile kusoneka mukanda wakujiha ulo nakumulukulula.

5Oloze Yesu avambile ngwenyi, Hakukaluhwa chamichima yenu, hakiko vene asonekelele nakumilweza ngocho.

6Oloze #13:19; 2 Pet 3:4kufuma kukuputuka chakutanga vyuma,

# Kupu 1:27; 5:2 Avatengele ou lunga ou pwevo.

7 # Kupu 2:24 Hakiko lunga mwasezela ise nanaye nakulinunga hamwe napwevo lyenyi,

8Kaha ava vavali navapwanga mujimba umwe.

Ngocho kaveshi cheka vavaliko, oloze vanapu mujimba umwe.

9Shikaho echi nanungu Kalunga, mutu kanda akachihandununako!

10Kaha hakupwa muzuvo, tumbaji twenyi vamuhulishile cheka chize chihande.

11Avambile ngwenyi, #Mat 5:32; Luka 16:18; 1 Koli 7:10-11; Loma 7:2-3Weshowo mwalukulula pwevo lyenyi nakumbata weka, ali nakulinga shili yaujila kuli pwevo lyenyi átumbika.

12Kaha nge pwevo mwalukuluka kuli lunga lyenyi nakusomboka kuli weka, nalingi ujila.

Yesu mwakisula vana vavandende

(Mat 19:13-15; Luka 18:15-17)

13Vamunehelelenga vana vavandende mangana avanangike mavoko. Oloze tumbaji twenyi vavatenukilile#10:13 Nge ngwavo, tumbaji vatenukilile visemi vanehele vana vavo..

14Oloze Yesu hakuchimona apihililile chikuma, kaha avambile ngwenyi, Itavisenu vana vavandende vezenga kuli Ami. Kanda namuvakanyisako, mwomwo #Mat 6:3wangana waKalunga wapwa wavo ava vangana.

15Mwamuchano nangumilweza ngwami, #Mat 18:3Weshowo mwakana kutambula wangana waKalunga ngana mwamwana wamundende, keshi kukengilamoko.

16Kaha #9:36avasachile, avakiswile nakuvanangika mavoko.

Kuhulisa chamuka-luheto

(Mat 19:16-30; Luka 18:18-30)

17Omu akatukile nakuya mujila yenyi, mutu umwe amulahilile, afukamine nakumuhulisa ngwenyi, #Luka 10:25Ove Muka-kunangula wamwenemwene, nangulinga muka numba nguswane mwono wázeneka kukuma?

18Kaha Yesu amwambile ngwenyi, Mwomwo ika unanguvulukila ngwove nguwamwenemwene? Naumwe wauchi apwa wamwenemwene, shina Ivene Kalunga kaha.

19Watachikiza jishimbi, eji jakwamba ngwavo,

# Kulo 20:12-16; Lush 5:16-20 Kanda ukajiha mutuko,

Kanda ukalinga ujilako,

Kanda ukevako,

Kanda ukambulula unjiho wakwongako,

Kanda ukalyapula mukwenuko,

Vumbikanga iso nanoko.

20Amukumbulwile ngwenyi, Ove Muka-kunangula, mwaya josena ojo ngwalingamo kufuma kuukweze wami.

21Omu Yesu amutalile, amuzangile, kaha amwambile ngwenyi, Kuli ove kunalihono chuma chimwe. Yako, lanjisa vyosena watwama navyo, #Vili 2:45; 4:34-35nakuhana vaka-kuhutwa, kaha naupwanga #Mat 6:20; Luka 12:33naluheto mwilu. Kaha twaya, ngukavangizenga.

22Oloze hamazu awa ahombele. Afumineko nakunyengetela, mwomwo apwile naluheto lwaluvulu.

23Yesu avatalile chelele ndo, kaha ambile tumbaji twenyi ngwenyi, Omwo chakaluhwila vaka-luheto kwingila muwangana waKalunga!

24Tumbaji twenyi valikomokelele hamazu enyi. Oloze Yesu ahanjikile cheka nakuvamba ngwenyi, Enu vana vami, omwo chakaluhwa kwingila muwangana waKalunga#10:24 Mokomoko ngwenyi, Kwingila muwangana waKalunga, omwo chakaluhwila!!

25Ngana omu chakaluhwila ngamela#10:25 Ngamela, ikiye kanyama wamunene, wamusuku, kuhambakana kavalu. Ali nangolo jakumbata vatu naviteli vyavilemu. kuhita muliso#10:25 Chipwe ngwavo, mumuteta wandongo. lyandongo, ngocho nawa chapwa chachikalu chikuma kuli muka-luheto kwingila muwangana waKalunga#10:25 Ngamela kuhita muliso lyandongo yakutongesa kacheshi kuhasako. Oloze muka-luheto kwingila muwangana waKalunga chahambakana kukaluhwa..

26Vakiko valikomokelele chikumakuma, vamuhulishile ngwavo, Kaha iya navahasa kulwila?

27Yesu avatalile, kaha ambile ngwenyi, Kuli vatu kachahashiwako, oloze kuli Kalunga keshi ngochoko, mwomwo Kalunga ahasa vyosena.

28Petulu aputukile kuhanjika kuli Ikiye ngwenyi, Tala, #1:16-20etu tunaseze vyosena nakukukavangiza.

29Yesu ambile ngwenyi, Mwamuchano nangumilweza ngwami, kakweshi ou naseze kanda yenyi, chipwe vandumbwenyi vamalunga chipwe vamapwevo, chipwe naye, chipwe ise, chipwe vana venyi, chipwe mande enyi — hali Ami nahamujimbu wamwaza —

30 # Mat 6:33 mwazeneka kutambwilaho mapapa likulukaji (100) hamyaka yino, najikanda, navandumbwenyi vamalunga, naava vamapwevo, navanaye, navana, namande — hamwe nakumuyanjisa — kaha kujingonde najikezaho, mwakatambula mwono wázeneka kukuma.

31Oloze #Mat 19:30vavavulu vavalemu navakapwa vakukuminamo, kaha vakukuminamo navakapwa vavalemu.

Kufwa chenyi Yesu mwachivuluka kamuchitatu

(Mat 20:17-19; Luka 18:31-34)

32Omu vapwile mujila nakukanduka kuYelusalema, Yesu apwile kulutwe lwavo. Valikomokelele, kaha vaze vamukavile vevwile woma. Kaha ahandwileho cheka vaze likumi navavali (12), nakuputuka kuvalweza vize navisaka kumuwana.

33Ambile ngwenyi, Talenu, tuli nakukanduka kuYelusalema, #8:31; 9:12kaha Mwanamutu navamuhana kumavoko avapilishitu vavalemu navaka-kusoneka. Navamuhana mulonga ngwavo afwenga, kaha navamuhana kumavoko avaka-mafuchi.

34Kaha navamuhenda, #14:65; 15:19navamufwijila maleji, navamwipula vikote, navamujiha. Kaha omu namuhita makumbi atatu, mwasanguka.

Ocho valombele vaYakova naYowano

(Mat 20:20-28)

35Jino Yakova naYowano, vana vaZevete, vapandamine kuli Ikiye nakumwamba ngwavo, Ove Muka-kunangula, tunasake ngwetu utulingile cheshocho natukulomba.

36Kaha avahulishile ngwenyi, Munasake ngumilingile ika?

37Vakiko vamulombele ngwavo, Twitavile #Mat 19:28; Luka 22:30tukatwamenga nove, umwe kulivoko lyove lyachilyo, mukwavo kuchimoswe, muupahu#10:37 Vashinganyekele ngwavo mwaputuka kuyula linwomu hakuheta muYelusalema, nakuputuka wangana wenyi waupahu. wove.

38Oloze Yesu avakumbulwile ngwenyi, Ocho munalombo kamwachitachikijileko. Namuhasa kunwa #Mat 20:20; Yowa 18:11mulupasa nangunwa Ami, chipwe kumijimika #Luka 12:50mulujimiko navangujimika Ami tahi?

39Vakiko vamwambile ngwavo, Natuhasa. Yesu avambile ngwenyi, #Vili 12:12; Kuso 1:9Mulupasa nangunwa Ami namukanwamo vene, kaha lujimiko navangujimika Ami navakamijimikamo vene.

40Oloze kutwama kulivoko lyami lyachilyo chipwe lyachimoswe, kacheshi chayAmi kuchihanako, oloze #Mat 13:11chapwa chavaze vanachilongesela.

41Kaha omu vachivwile vaze vakwavo likumi, vapihililile naYakova naYowano.

42 # 10:42-45; Luka 22:25-27 Yesu asanyikile tumbaji twenyi likumi navavali (12) nakuvamba ngwenyi, Mwatachikiza ngwenu, vaze vámona ngwavo vapwa vaka-kuyula vaka-mafuchi, vayula vatu javo. Kaha nawa, ava vaka-kuyula veji kuvonononanga kuli vaze vavahambakana vakiko ulemu.

43Jino muli enu, kanda chikapwa ngochoko. #9:15; Mat 20:26Oloze weshowo mwasaka kupwa wamulemu muli enu, kuvanga apwenga muka-kumizachila.

44Kaha weshowo mwasaka kupwa wakulitulaho muli enu, kuvanga apwenga ndungo yavakwavo vosena.

45Mwomwo naMwanamutu nawa kejile #Mat 20:28mangana vamuzachilengako, oloze mangana avazachilenga #1 Chim 2:5-6nakusuula mwono wenyi kupwa ndando yakusokola vavavulu.

Kapuputa Mbala-Chimeu navamutonesa

(Mat 20:29-34; Luka 18:35-43)

46Kaha vahetele kuYeliko. Hakufuma muYeliko natumbaji twenyi nalizavu lyavatu lyalinene, vawanyine Mbala-Chimeu, ou mwanaChimeu, natwame kutenga yajila, apwile kapuputa muka-kulomba-lomba.

47Omu evwile ngwavo, Ou áli nakuhita Ikiye Yesu wakuNazaleta, aputukile kutambakana ngwenyi, Ove Yesu, Ove MwanaNdavichi, nguteteleko mwane!

48Kaha vavavulu vamukanjile ngwavo ahole kulu. Oloze hakiko ahambakanyinenyi kutambakana ngwenyi, Ove MwanaNdavichi, nguteteleko mwane!

49Yesu emanyine nakwamba ngwenyi, Musanyikenu. Kaha vasanyikile uze kapuputa nakumulweza ngwavo, #Mat 9:2Likolezeze, katuka, ali nakukusanyika!

50Kaha ambilile chikovelo chenyi chachisuku chahaweluka, akatukile lumbushi nakwiza kuli Yesu.

51Yesu amuhulishile ngwenyi, Unasake ngukulingile ika? Uze kapuputa amukumbulwile ngwenyi, Ove Laponyi#10:51 Nge ngwenyi, Ove muka-kunangula wamulemu. Tala haYowano 20:16., ngunasake meso ami amone mwane.

52Yesu amwambile ngwenyi, Yakonga kwove, #Mat 9:22lufwelelo lwove lunakuhindula. Hahaze vene amwene, kaha akavangijilenga Yesu mujila yenyi.

Currently Selected:

Mako 10: LUE

Highlight

Copy