Mako 11

Yesu mwengila muYelusalema mwamwangana

(Mat 21:1-11; Luka 19:28-40; Yowa 12:12-19)

1Kaha omu vapandamine kuYelusalema, kuMbetefwaje naMbetane, haze hapili yaMilive, Yesu atumine tumbaji twenyi vavali,

2avambile ngwenyi, Yenu kulimbo lize lili kulutwe lwenu, kaha hahaze vene namwingila, namuwana livuvu lyachimbulu wakukasa, ou kanda vanyinengaho lyehi kuli mutu. Kamukasununenu mumunehe.

3Kaha nge umwe mwamihulisa ngwenyi, Mwomwo ika muli nakulinga ngana? Mulwezenu ngwenu, Mwata nasake kumuzachisa, kaha linwomu amuhilwise.

4Kaha #14:16vayile, vawanyine uze livuvu wakukashilila kuchikolo kumukwakwa, kaha vamukasunwine.

5Kaha vamwe vaze vemanyine kuze vavahulishile ngwavo, Muli nakumukasunwina ika ou livuvu?

6Vakiko vavakumbulwile ngana muze avalwezele Yesu, kaha vavasuwile.

7 # 11:7-10; Yowa 12:12-15 Uze livuvu vamuneheleleyo, vamuhakile uvwalo wavo, kaha Yesu atwamineho.

8Kaha vatu vavavulu hinavala uvwalo wavo mujila. Vakwavo hinavalamo mafo amikoma vátetele mumawande.

9Navaze vatetekeleleko navaze vakavilenga munyima, vapwile nakutambakana ngwavo,

Hozana#11:9 Nge ngwavo, Achilwile! Likiko lizu lyakumulemesa hawangana.!

# Samu 118:26; Mat 21:15; 23:39 Wakukisula Ou mweza mulijina lyaMWATA!

10Wakukisula wangana ou uli nakwiza,

Ou vene wakakuluka yetu Ndavichi!

Hozana muze mwakulitulaho!

11Kaha engilile muYelusalema nakuya namuTembele. Omu akumishile kutala vyosena chelele ndo, kaha nawa mwomwo kwatokele, #Mat 21:17alovokele nakuya kuMbetane navaze likumi navavali (12) hamwe.

Yesu mwangula mukuyu

(Mat 21:18-19)

12 # 11:12-14; Luka 13:6-9 Omu kwachele, hakufuma kuMbetane, Yesu evwile zala.

13Kaha omu amwene mukuyu hahasuku uli namafo, ayileko atale nge mwawanako muhako. Hakuhetako, kawanyineko vimweko, shina mafo kaha, mwomwo kayapwile ngonde yakwaha jikuyuko#11:13 Mikuyu yili namafo amavulu yatela kupwa namihako. Yapwile ngonde yakuwana jikuyu jakulivanga, oloze kajasolokeleko. Ngonde yakwaha jikuyu jakuhya yapwile yichili kanda..

14Kaha Yesu awambile ngwenyi, Kanda mutu umwe akalya cheka muhako kuli oveko. Kaha tumbaji twenyi vevwileko.

Yesu mwahanga vaka-kusekasanyina muTembele

(Mat 21:12-17; Luka 19:45-48; Yowa 2:13-22)

15Omu vahetele kuYelusalema, engilile muTembele, aputukile kuhanga vaze vapwile nakulanjishilamo navaze vapwile nakulanda muze muTembele. Jimesa javaka-kutambasana jimbongo, navitwamo vyavaka-kulanjisa tutela avikatumwine.

16Ketavishile naumwe kumbata chuma nakupulasana nacho muTembeleko.

17Kaha avanangwilenga ngwenyi, Kumana kavasoneka ngwavo,

# Isa 56:7 Zuvo yami navakayivulukanga ngwavo,

Zuvo yavaka-mafuchi osena yakulombelako?

Oloze #Yele 7:11enu munayalumuna kupwa

Uswamo wavihwanga.

18Kaha hakuchivwa, vapilishitu vavalemu navaka-kusoneka vatondele mwakumujihila, mwomwo vevwile woma ngwavo mwavatambula vatu, mwomwo lizavu lyosena lyalikomokelele kunangula chenyi.

19Kaha #Luka 21:37hakulauka chalikumbi Yesu natumbaji twenyi valovokele muze munganda.

Kulomba chalufwelelo

(Mat 21:19-22)

20Omu vapwile nakuhita nachimene, #11:12-14vamwene uze mukuyu unomu lyehi chau swi-i nakumiji.

21Petulu hakwanuka mazu aMwata amwambile ngwenyi, Ove Lapi#11:21 Tala ha9:5., tala, ou mukuyu wangulanga unomu lyehi chau!

22Yesu avakumbulwile#11:22 Yesu avakumbulwile tumbaji vosena, hakuhulisa chaPetulu. ngwenyi, #Mat 17:20; Luka 17:6Fwelelenunga Kalunga.

23 Mwomwo mwamuchano nangumilweza ngwami, Weshowo mwamba pili yino ngwenyi, Tutuka, kalimbile mukalungalwiji, nge keshi kukakasana mumuchima wenyiko, oloze mwafwelela ngwenyi omu nambe namusoloka, kaha navamulingilamo vene.

24Shikaho nangumilweza ngwami, #Mat 7:7-8Vyeshovyo namulomba Kalunga, fwelelenu ngwenu munavitambula, kaha navipwa vyenu.

25Kaha omu namwimana nakulomba, #Mat 6:14-15; 18:35nge kuli chuma chimwe namihingika mukwenu, mukonekelenu mangana Senu átwama mwilu nawa amikonekele kuhingika chenu.

26 # Mat 6:15 [Oloze nge enu kamweshi kukonekela vakwenuko, kaha Senu ali mwilu nawa keshi kumikonekela kuhingika chenuko.]

Navasaka kutachikiza okwo kwafuma ngolo jaYesu

(Mat 21:23-27; Luka 20:1-8)

27Kaha vahilukile kuYelusalema. Omu apwile nakutambuka muTembele, vapilishitu vavalemu navaka-kusoneka navakulwane javaYuleya vejile kuli Ikiye.

28Kaha vamuhulishile ngwavo, Vyuma evi uli nakuvilinga nangolo muka? Kaha ou akuhana ngolo kana iya numba uvilingenga?

29Yesu avakumbulwile ngwenyi, Nangumihulisa lizu limwe, kaha mungukumbulule, numba Ami nawa ngumilweze okwo kwafuma ngolo kana nguli nakulinga najo vyuma evi.

30Lujimiko lwaYowano lwapwile lwakufuma mwilu tahi, nyi lwakufuma kuli vatu? Ngukumbululenu.

31Vakiko valihwojwele ngwavo, Nge natwamba ngwetu, Lwakufuma mwilu, kaha mwatwamba ngwenyi, Nyi mwakanyinyine ika kumufwelela?

32Nyi twambenga ngwetu, Lwakufuma kuli vatu, tahi? — vevwile woma walize lizavu, mwomwo vosena vajina Yowano ngwavo apwa vene kapolofweto.

33Vamukumbulwile Yesu ngwavo, Katwatachikizako. Yesu himwavamba ngwenyi, Nayami nawa kangweshi kumilweza ngolo kana nguli nakulinga najo vyuma eviko.

Currently Selected:

Mako 11: LUE

Highlight

Copy