Mako 9

1Kaha ambile tumbaji twenyi ngwenyi, Mwamuchano nangumilweza ngwami, kuli vamwe vanemana hano kaveshi kufwako#9:1 MuchiHelase ngwavo, kaveshi kukamakila kufwako., swi-i nakukumona wangana waKalunga omu nawiza nangolo.

Yesu navamwalumuna mweka

(Mat 17:1-8; Luka 9:28-36)

2Omu mwahichile makumbi atanu nalimwe, Yesu ambachile #5:37; 13:3Petulu naYakova naYowano nakukanduka navo hapili yakunyunga kwauka wavo. Kaha Yesu vamwalumwine mweka kumeso avo.

3 # Mat 28:3 Kaha uvwalo wenyi walumukile — wavyakumine nakutoma to-o, kaha hamavu kahatwama muka-kutomesa mahina ahasa kuwatomesa ngachizeko.

4Kaha kwavasolokelele Elija naMose, vapwile nakushimutwila naYesu.

5Petulu ambile Yesu ngwenyi, Ove Lapi#9:5 Nge ngwenyi, Ove muka-kunangula. Tala haYowano 1:38., nachiwaha tupwenga kuno. Tutunge visakila vitatu, chimwe chayOve, chimwe chaMose, chikwavo chaElija.

6(Ahanjikile ngocho mwomwo katachikijile mwakutwalilako, mwomwo valizuzukilile.)

7Kaha livwi lyavafwikile, kaha muze #2 Pet 1:17-18; Mat 3:17; Yowa 12:28-29mulivwi mwafumine lizu lyakwamba ngwalyo — Ou Ikiye Mwanami ngwazanga, mwivwililenunga!

8Kukasumuka, hakutala-tala kwosena, kavamwene wekako, shina vali naYesu kaha.

9Omu vapwile nakushikumuka kufuma haze hapili, #5:43; 7:36; 8:30; Mat 8:4avakanjile vazeneke kulwezako chipwe umwe evi vanamono, kuvanga Mwanamutu nasanguka muvafu.

10Chihande kana vachilamine mwavo mwavo, oloze valihwojwelenga ngwavo, Ocho kusanguka muvafu, chalumbunuka muka?

11Kaha vamuhulishile ngwavo, Nyi mwomwo ika vaka-kusoneka veji kwambanga ngwavo, #Mat 11:14Kuvanga Elija navangila kwiza?

12Ikiye avakumbulwile ngwenyi, mukiko vene Elija mwakavangila kwiza, kaha mwakahaka cheka vyosena muvihela vyavyo. Kaha hakuvuluka Mwanamutu, mwomwo ika vasoneka ngwavo, #8:31; 9:31; 10:33; Mat 16:21; 26:24Kuvanga akamone makava muvyuma vyavivulu nakumulumbilisa nawa?

13Oloze nangumilweza ngwami, Elija ejile vene, kaha vamulingile mweshomwo vajinyine, ngana muze vasoneka hakumuvuluka.

Yesu mwahindula mukweze apwilenga nashipilitu wamupi

(Mat 17:14-21; Luka 9:37-43)

14Kaha omu vahetele kuli vakwavo tumbaji, vamwene lizavu lyalinene linavajingilika, kaha vaka-kusoneka vapwile nakulipula navo jipami.

15Hahaze vene omu lize lizavu lyosena lyamwene Yesu, lyalikomokelele chikumakuma, kaha lyalahilile kuli Ikiye nakumumeneka.

16Ahulishile tumbaji ngwenyi, Havyuma muka muli nakulipulila navo jipami?

17Kaha umwe muze mulizavu amukumbulwile ngwenyi, Ove Muka-kunangula, ngwakunehelanga mwanami walunga, mwomwo atwama nashipilitu waumama.

18Kaha heshoho mwamukwachila, mwamumbila hamavu, kaha himwatupula lifulu nakulingenjunga kumazo himwominyina chau. Kaha ngwahanjikanga natumbaji twove ngwami vamulovoleyo, oloze kavahashileko.

19Yesu avakumbulwile ngwenyi, Enu vaka-chisemunwino chakuzeneka lufwelelo! Nangutwamanga nayenu palanga nakumwaka uka? Nangumiyanjilanga palanga nakumwaka uka? Munehenu.

20Kaha vamuneheleleyo. Hahaze vene uze shipilitu hakumona Yesu atunguchishile uze mukweze — alimbukile hamavu nakulyalanga nakutupula lifulu.

21 Yesu ahulishile uze ise ngwenyi, Munahichi myaka yingahi kufuma haze chamuwanyine? Amukumbulwile ngwenyi, Chakufuma nacho kuunyike wenyi.

22Kaha namumbili kakavulu mukakahya namumeya mangana amunongese. Oloze nge unahase kulinga chuma, twivwile keke mwane, tukafweko.

23Yesu amukumbulwile ngwenyi, Wambe ngwove nge ngunahase! #11:22-24; Mat 17:20; Luka 17:6Vyosena navihashiwa kuli ou mwafwelela.

24Hahaze vene ise yauze mukweze atambakanyine ngwenyi, Ngunafwelela vene. Ngukafweko mweshomwo ngunahonena mulufwelelo lwami!

25Yesu omu amwene lizavu lili nakukunguluka washi-washi, ahanjikilile uze shipilitu waunyengwe ngwenyi, Ove shipilitu wauveveve ngwami, Lovoka, kanda ukamwingila chekako.

26Kaha uze shipilitu atetumukile nakumukonyesa chikuma, alovokele. Uze mukweze apwile nge himufu, ngocho vavavulu vambile ngwavo, Nafu.

27Jino omu Yesu amukwachile kulivoko, amukatwile, kaha emanyine.

28Kaha omu Yesu engilile muzuvo, tumbaji twenyi vamuhulishile kwauka wavo ngwavo, Mwomwo ika etu katwahasanga kumulovolako?

29Avakumbulwile ngwenyi, Ava vangana kaveshi kuhasa kulovoka nachuma chekako, shina nakulomba kaha.

Yesu mwavuluka cheka kufwa chenyi

(Mat 17:22-23; Luka 9:43-45)

30Vafumine kuze, vapulasanyine muNgalileya, oloze kasakile mutu achitachikizeko.

31Mwomwo anangwilenga tumbaji twenyi ngwenyi, #8:31; 10:33Mwanamutu navamuhana kumavoko avatu, navamujiha, kaha kufuma hakumujiha namuhita makumbi atatu, numba asanguke.

32Oloze #Yowa 12:16chihande kana kachavalumbunukilileko, kaha vevwile woma wakumuhulisacho.

Iya áhambakana vakwavo

(Mat 18:1-5; Luka 9:46-48)

33Jino vahetele kuKapelenau. Kaha omu apwile muzuvo, avahulishile ngwenyi, Chuma muka mwapwanga nakulihwojola mujila?

34Oloze vakiko vaholele kulu, mwomwo #Luka 22:24vapwile nakulipula jipami vawane ou ahambakana vakwavo vosena ulemu.

35Kaha omu atwamine, asanyikile vaze likumi navavali (12) nakuvamba ngwenyi, #10:43-44; Mat 20:26-27; 23:11; Luka 22:26Weshowo nasake kupwa wakulitulaho, kuvanga apwenga wakukehelamo hali vosena, apwenga muka-kuzachila vakwavo vosena.

36Ambachile mwana wamundende nakumwimika mukachi kavo. Kaha omu #16:16amusachile, ambile ngwenyi,

37 # Mat 10:40 Weshowo mwatambula kanyike wamundende umwe ngana ou, mulijina lyami, natambula Ami. Kaha weshowo mwangutambula, katambwile Amiko, oloze Uze angutuma.

Ou azeneka kole nayetu

(Luka 9:49-50)

38Yowano amwambile ngwenyi, Ove Muka-kunangula, twamonanga umwe apwanga nakulovola vandemone mulijina lyove, kaha #Kula 11:27-29twamukandanga, mwomwo katukavangiza etuko.

39Oloze Yesu ambile ngwenyi, Kanda mumukandako, mwomwo kakweshi mutu mwalinga chakukomwesa changolo mulijina lyami, kaha hahaze vene ahanjike mwamupi hali Amiko.

40 # Mat 12:30 Mwomwo ou keshi nakole nayetuko, ali kumwe nayetu.

41 # Mat 10:42 Mwomwo weshowo mwamihana lupasa lwameya akunwa mulijina lyami hakupwa muvatu jaKulishitu, mwamuchano nangumilweza ngwami, Keshi kukazeneka wana wakumusakwililako#9:41 Nge ngwavo, wana wakumusakwilila..

Kuvulumwisa mukwenu

(Mat 18:6-9; Luka 17:1-2)

42Weshowo mwavulumwisa umwe wavo ava vavandende vángufwelela, chawahile kachi vamukashilile lilolwa lyalinene lyakuchekela unga mushingo nakumumbila mukalungalwiji.

43Kaha #Mat 5:30nge livoko lyove lyeji kukuvulumwisanga, livatulelyo. Chinawahe kuli ove kwingila naulema mumwono, kuhambakana kupwa namavoko avali nakuya #Mat 5:22muNgehena#9:43 Nge ngwavo, muchijiva chakakahya. Tala Kuso 20:11-15., mukakahya kázeneka kujima,

44[muze vazeneka vaze mavunu vali hamijimba yavo kufwa, muze #Mat 3:12; 25:41kazeneka kakahya kujima.]

45Kaha nge lihinji lyove lyeji kukuvulumwisanga, livatulelyo. Chinawahe kuli ove kwingila nautonji mumwono, kuhambakana kupwa namahinji avali nakukumbila muNgehena,

46[muze vazeneka vaze mavunu vali hamijimba yavo kufwa, muze kazeneka kakahya kujima#9:46 Nge ngwavo, Vaze navakaya mukakahya kaNgehena, navakavayanjisanga lika naluyando lwázeneka kukuma, kaha vavene kaveshi kukakumako nawa..]

47Kaha #Mat 5:29; 18:9nge liso lyove lyeji kukuvulumwisanga, litombongonyemo. Chinawahe ove kwingila naliso limwe muwangana waKalunga, kuhambakana kupwa nameso avali nakukumbila muNgehena,

48 # Isa 66:24 Muze vazeneka mavunu vali hamijimba yavo kufwa,

Muze #9:43kazeneka kakahya kujima.

49Mwomwo mutu himutu navakamutova mungwa wakakahya.

50Mungwa wapwa wamwaza, oloze #Mat 5:13; Luka 14:34-35nge mungwa unasamuka lyehi, namuuyemesa cheka naka? Pwenunga namungwa muli enu, kaha #Loma 12:18; 2 Koli 13:11; 1 Teso 5:13twamenunga mukuunda navakwenu.

Currently Selected:

Mako 9: LUE

Highlight

Copy