Popular Bible Verses from ufuġ 2

Share

isfld rbbi i‑tndra‑nsn, iswangm lɛhd lli‑iskr d‑ibrahim d‑isḥaq d‑yaɛqub. imnad rbbi ġ‑ayt‑israyil, yissan mad‑darsn‑illan.

zrin isggʷasn immt‑ugllid n‑miṣr. imma ayt‑israyil ar‑ukan‑sul‑nddrn s‑tkrrayt n‑tsmugit, ar‑ssmummuyn ar‑aqran i‑ma‑tn‑itɛawan, tlkm‑twaġra‑nsn rbbi.

lliġ imqqur‑uḥšmi, tawi‑t s‑dar illis n‑firɛawn, tg‑t nttat d‑yus. tg‑as ism musa [tga lmɛna‑ns ‹ityawldday‑d›], ašku tnna d‑ih̬f‑ns: «ldiġ‑t‑id zġ‑waman.»

tsawl‑as illis n‑firɛawn tini‑as: «awi arraw‑ad ar‑iyi‑ti‑tssngayt. ra‑ym‑akkaġ tiġrad‑nm.» tawi‑d‑tmġart arraw ar‑ti‑tssngay.

imikk s‑di‑thuwwd illis n‑firɛawn s‑wasif a‑tsird, ar‑fttunt‑tmqasatin‑ns ġ‑tama n‑wasif. tẓr‑n taryalt ġ‑gr‑waẓẓmay, tazn tamqasat‑ns a‑stti‑di‑tawi.

lliġ imqqur musa, iffuġ yan‑wass s‑dar mddn‑ns, iẓr anhataf iẓẓayn lli‑fllasn‑illan. imnad yan gu‑miṣr ar‑ikkat yan gu‑ɛibr lli‑igan zġ‑mddn‑ns. igrawl ġmk d‑ġmk, ur‑iẓri yan, yut gu‑miṣr‑an iḥḍu‑t ġ‑umlal.