Popular Bible Verses from ufuġ 3

Share

yini rbbi ġakudan i‑musa: «nkki giġ wad bdda illan. ini i‑ayt‑israyil ‹yuzn‑iyi‑d wad bdda illan.› »

yini‑as rbbi: «ha‑yyi rad‑dik‑iliġ. d‑ġmkad a‑rad‑ak‑ig tamatart n‑izd nkkin a‑k‑yuznn, ašku tigira n‑ma‑di‑tssufġt mddn‑nk zġ‑miṣr, adrar‑ad a‑ġ‑ra‑ttqasat rbbi‑nk.»

yini‑as‑d sidi rbbi: «a‑ur‑di‑tlkmt ġid. kkis turẓiyin zġ‑iḍarn‑nk. han ġin ġ‑tbiddt iga akal ityawẓlayn i‑rbbi‑nk.»

yini‑as sidi rbbi: «ha‑yyi ẓriġ tadallit išqan lli‑ġ‑llan mddn‑inu ġ‑miṣr, sfldġ‑asn ar‑ssmummuyn s‑willi‑tn‑dḥḥinin, ssnġ takrrayt iggutn lli‑ġ‑llan. gguzġ‑d ġilad a‑tn‑fukkuġ zġ‑ifassn n‑ayt‑miṣr, ssawnġ‑tn zġ‑wakal‑an, awiġ‑tn s‑yat‑tmazirt yusɛan ifulkin, ingi‑gis‑ugʷfay d‑tammnt. iga‑t‑wakal n‑ayt‑kanɛan d‑ayt‑ḥit d‑ayt‑amur d‑ayt‑fariz d‑ayt‑ḥiwi d‑ayt‑yabus.

iban‑as‑d lmalak n‑sidi rbbi ġ‑wammas n‑yat‑tzggʷart s‑ufdaddu n‑lɛafiyt. ar‑n‑itmnad tazggʷart, tɛmmr s‑lɛafiyt walaynni ur‑tjdir.

nkr ġilad ra‑k‑aznġ s‑dar firɛawn baš a‑di‑tssufġt mddn‑inu n‑ayt‑israyil zġ‑miṣr.»