Popular Bible Verses from ufuġ 7

Share

isawl sidi rbbi s‑musa yini‑as: «ẓr ġilad, han giġ‑k d‑zund rbbi i‑firɛawn, gġ gʷmak harun d‑zund nnabi‑nk.

walaynni rad‑ssiqarġ ul n‑firɛawn. timitar d‑lɛjayb ggutnin a‑rad‑skarġ ġ‑miṣr, imma nttan ur‑ra‑srun‑isfld. ra‑n‑gġ ilmma afus‑inu f‑miṣr, ar‑fllas‑kkatġ lḥkamat šqanin, ssufġġ‑d ikabarn n‑mddn‑inu n‑ayt‑israyil zġ‑miṣr.

rad‑issann ayt‑miṣr izd nkki a‑igan rbbi da‑illan lliġ‑n‑mdiġ afus‑inu f‑miṣr, ssufġġ‑d ayt‑israyil zġ‑gratsn.»

iġr‑d firɛawn ġakudan i‑ayt‑tḥkimt‑ns d‑išuwwafn‑ns, skrn isḥḥarn n‑miṣr ula ntni ġmkan s‑ssiḥr‑nsn. kraygatt yan iluḥ‑n aɛmud‑ns, s‑han iɛmad‑lli wrrin gn ilgʷmaḍn. imma aɛmud n‑harun, hati iṣrṭ iɛmad‑nsn.

ha ma‑yk‑d‑inna rbbi da‑bdda‑illan: ġmkad a‑s‑ra‑tissant is‑giġ rbbi da‑illan. aman‑ad n‑wasif n‑nnil, ra‑gisn‑utġ s‑uɛmud‑ad illan ġ‑ufus‑inu, wrrin gn idammn.

«iġ‑awn‑inna firɛawn ‹mlayt‑iyi‑d kra n‑lɛjb›, tinit ġakudan i‑harun ‹asi aɛmud‑nk tluḥt‑t‑in ġ‑lgddam n‑firɛawn›, ra‑iwrri ig algʷmaḍ.» ikšm musa d‑harun s‑dar firɛawn, skrn ġmklli‑f‑tn‑yuṣṣa sidi rbbi. iluḥ‑n harun aɛmud‑ns ġ‑lgddam n‑firɛawn d‑imɛawann‑ns, hati iwrri iga algʷmaḍ.