Popular Bible Verses from ufuġ 8

Share

irin isḥḥarn ad‑skrn wabiba ġmkan s‑ssiḥr‑nsn, walaynni ur‑ẓḍarn. hati illa wabiba f‑mddn ula lbhaym kullutn, aylliġ nnan isḥḥarn i‑firɛawn: «askkir n‑rbbi ayad.» walaynni ul n‑firɛawn iqqur, ur‑srsn‑isfld, ġmklli‑s‑inna sidi rbbi.

yini‑d sidi rbbi ġakudan i‑musa: «kšm s‑dar firɛawn tinit‑as: ‹inna‑yak rbbi da‑bdda‑illan, adj mddn‑inu ad‑ddun a‑yyi‑tqasan.

walaynni lliġ iẓra firɛawn tagat‑an tzri, issiqar ul‑ns yagʷi daġ a‑sul‑srsn‑isfld, ġmklli s‑inna sidi rbbi.

iġ‑tagʷit ad‑asn‑trẓmt, han rad‑utġ kullu tamazirt‑nk s‑igʷra.

yini ilmma sidi rbbi i‑musa: «zayd tinit i‑harun: ‹mdi‑n aɛmud‑nk, tutt ġ‑ugdrur n‑wakal f‑a‑iwrri ig wabiba ġ‑kullu tamazirt n‑miṣr.› »

iskr sidi rbbi ġmkan, kšmn izan ggutnin s‑tgmmi n‑firɛawn d‑tgʷmma n‑imɛawann‑ns ula kullu akal n‑miṣr. thlk‑tmazirt s‑tugtt n‑izan.