Popular Bible Verses from ufuġ 9

Share

walaynni mayad a‑f‑k‑udjiġ, f‑ad‑ak‑ssbayynġ taẓḍḍart‑inu. d‑ġmkad a‑s‑rad‑sfldn mddn f‑ism‑inu ġ‑ddunit kullutt.

yini ilmma sidi rbbi i‑musa: «kšm s‑dar firɛawn tinit‑as awal‑ad: ‹ha ma‑inna wad bdda illan ig rbbi n‑ayt‑ɛibr. adj mddn‑inu ad‑ddun a‑yyi‑tqasan.

ašku mra is‑n‑yadlli‑srk‑mdiġ afus‑inu, utġ‑k kiyi d‑mddn‑nk s‑kra n‑waṭṭan inqqan, lukun laḥ‑kʷn ġ‑iggi n‑wakal.

ra‑yut‑ufus n‑rbbi da‑illan lksibt n‑wakal‑nk s‑yan‑waṭṭan bahra išqan. ra‑yili f‑iysan d‑iġʷyal d‑irɛman d‑imugayn d‑uwlli kullutn. walaynni rbbi da‑illan ra‑iẓli lksibt n‑ayt‑israyil zġ‑tin ayt‑miṣr. ur‑ra‑tmmt ḥtta yat zġ‑kullu lksibt n‑ayt‑israyil.› »

hati azkka tizi‑ad ra‑n‑aznġ ibruri išqan. ur‑jji‑illi zund nttan ġ‑miṣr zġ‑isizwur‑ns ar ġilad. zayd ġilad taznt ma‑d‑issmunun lksibt ula kullu ma‑teṭṭaft ġ‑igran, tšškšmt‑tn s‑untal. ašku ra‑yut ibruri mddn ula lbhaym nna‑illan ġ‑igran. d‑willi ur‑intiln ġ‑tgʷmma, rad‑kullu‑mmtn.› »

ra‑iwrri ig agdrur yafufn f‑tmazirt n‑miṣr kullutt, iskr uh̬bitn šqanin i‑mddn d‑lbhaym, ar‑tbbaqin s‑arsḍ ġ‑wakal n‑miṣr kullutt.» asin‑d iġd n‑ufarnu. biddn ġ‑lgddam n‑firɛawn, yall‑t musa izuzzr‑t, s‑iwrri iga uh̬bitn šqanin, ar‑tbbaqin s‑arsḍ ġ‑mddn ula lbhaym.