Popular Bible Verses from YOHANES 14

Share

Kir kinakla adeknggen dogorak mende eti, kinoba binagagin o. An nadik nakla adeknggen mende eti, kir wokeragin o. Nen An wokeragin eti, o agar paga yoma nen wokiragun mende eti ndak-ndak dek o. Kir kinakla dibi yugup o, nen kir kinobade arugup ar o.

Yorigemo Ar Yesus nen, “Tuan ebe An ar o, nen ebebar wene eti An ar o, nen nabedal kabedal edo wene eti An ar o. An Nombae oba luok nen yiluk kalok, An Noba nggweru warugun dek kalok, ir eti An Nombae oba lugun mondok dek arar o.

Ar Yesus nen ir yoraga dogolir, “Kiniliti dida yugup o. Ar Allah oba ebebar andani o. Nen An noba ogwe ebebar andani ar o.

Ogwe, Kir yama kinaga dogu mende, Ar An Nombae nen, An nendaga paga Ar Allah mende Roh eti lakbi warigin eti nen, ye wene nde wene emerkiraga, nen wene An yokeraga lagi mende etoma obogar kinoba yidilogo binagagin o.

Ir akuni An wene ekudogorak yirigi mende etoma wokbiluk eka kalok, Ar eti An iliti kunik arar o. An Nombae eti, ir akuni An iniliti kunik ernakwi mende eti, Ar iliti kunik erinaka dogolir o. An ogwe ar akuni eti niliti kunik eka, nen Nebe neyawak nen inugur kega erigin o.”

Ar ambi kir kinom mondok-mondok dogolir, kir yamakinaga dogorak ake paga, An Nombae nggino yorumo, kir wokeragin o. Ar Allah mende Roh eti nen, wene Ar Allah abok ebebar mende kenam erogo bigin o. Nen ir o agar paga yoma nen, Ar ebe waganugun dek o, nenaluk Ar ebe inil kakbuk nen inunggukdek mende arar ma o. Ogwe kir eti Ar kinilu o, nenaluk Ar ebe kir kinom dogolir, nen kinom ambi ar dogogun o.

Nen kir ye mende nde mende nggino An nendaga paga yugun kalok, An nen yamakenagin o. Nen yamakenagin eti paga, Ar An Nombae endaga eti An paga arar wogok bugun o. Kir nen An nendaga paga, nena-nena etoma nggino yornirugun kalok, An nen wokeragin arar o.”

“Kir an kiniliti kunik kalok, ye wene nde wene eku dogorak yirigi mende etoma, kir nen eku dogogun o.

An Nombae uma etoma, akuni dogumo pakalok werek o. An etoma ligin eti, kir dogumo kinakdip mendagago bik nen yiluk ligin o. Etegerogon dek dogolepma, An wene etegerogon yokiralep dek o.

An kir kinakdip ndak mendagago bi lalok nen, An niyok paga kir wokinabi warigin o. Nen An o nggoma dogogin eti, kir ninom etoma arar dogogun o.

Yigi nanggige ar Tomas nen kinok yoga dogolir, “Tuhan wae, nir yi, Tuhan kar nggoma ligin eti ninungguk dek ar ma, nen nir tuan etoma laurak eti nenggerogon ninilu arurak kegen?” yiluk yorige.