Popular Bible Verses from YOHANES 15

Share

Anggur edo eti An arar o, nen enggalokbak eti kir arar o. Ir akuni An ninom kunik ambiar, nen ir akuni An ninom kunik ambiar welagwi mende mban, enggen pakalok yirugun o. Nenaluk, kir An ninom dek kigik, kir kinadik nen ye ekik nde ekik erurak ndak dek o.

An ninom kunik ambiar dogoni o, nen An ogwe etegerogon ar, kir ninom kunik ambiar dogogun o. O alokbak eti, edo paga kunik dek kigik, ar nen enggen yirurak ndak dek o, ar ebe edo paga kunik kalok mban enggen yirir taga mende o. Eti ndak-ndak, kir An ninom kunik ambiar mondok kalok mban, kir nen enggen pakalok yirugun o.

Nen kir An ninom kunik ambiar welagwi, nen An wene emerkiragagi mende, kir kinilitimo biluk welagwi kalok, kir nena-nena wadok kertagwi mende etoma, An Nombae oba nggino yokni o; nen yogwi kinalok, kir nggino yorugun mende eti ndak-ndak arar wokiragin o.

Kir nen An pulnabudek o. Ogwe An nen kir enggen nggok pidi arigin dek mende eti yiru ake paga, kir pulogo lakbinagagin o. Eti paga ma, kir nen nena-nena An nendaga paga, Ar An Nombae nggino yorugun kalok, Ar nen wokeragin arar o.

Akuni ar ogari mende iliti kunik mondok kalok eti, ar iluk agarik mende enogo aktip ar waganogo ir inake burak o.

Alokbak An Noba kunik mende enggen yika dek kalok, mbalogo lakbigin o. Nen alokbak enggen yugu mende kalok, enggen yuk togon yiruwak nen yiluk, aweda yika nen aruk engga mbalogo bega erigin o.

Wene eku dogorak mende yi yokerak o: An kir niliti kunik erkinabir taga ndak-ndak, kir-kir kiniliti kunik eku dogoni o.

Kir nen enggen nggok ar yirugun kalok, An Nombae endaga mondok wogok bugun o; nen eti erugun paga, kir eti akuni An mutnarek lagwi ebebar mende arar etarugun o.

Ar Yesus wene ambi inom yega dogolir, “O anggur edo eti An arar o, nen An Nombae eti anggur yabu ekwa arar o.

Ir akuni An ninom ambiar kunik dek kalok, o alokbak ndak-ndak mbo wuldumo, mbuk arigin o. Nen o alokbak etegerogon mende eti wonggalogo balok, nen indu kunikmo etoma mbo lakbamo, kali nugun o.

An nakla adeknggen mende eti, kir kinakla welaga, nen kir kinakla adeknggen mende eti, pano mondok etaruwak nen yiluk, wene etoma obogar yokiragi o.

Nen kir An wene emerkiragagi ndak-ndak arar ekwi kinalok, An Nombae nakba kertaga mende eti, An nen Ar nika paga biluk, mondok nomo yigikdek dogirtaga ndak-ndak, kir ogwe, An kinakba kertaga eti, kir kinilka paga biluk, nomo yigik dek mondok arar dogoni o.

Wene yi kir nen eku dogorak mende arar yigi o: ma kir-kir kiniliti kunik mondok eku dogono o.”

Kir kinebe eti agar paga yoma inamendek arar kalok, o agar paga yoma nir mende o, yiluk iniliti kunik erkinabugun o. Ogwe, kir eti o agar paga yoma nen, An obok pulkinakigi o. Ma kir eti agar paga yoma mende dek o. Wene edo eti paga, o agar paga yoma nen ina'ir kungginabugun o.