ထႃႇဝရႃႉၽြႃးသမ်ႉ မီးဢမိင်ႉတီႈ မူဝ်းသေႇ လႄႈ လၢတ်ႈလႄႈဝႃႈၸမ်ႉ၊ မႂ်းၶဝ်ႈၸူးၵႃႈတီႈၶုၼ်ႁေႃၶမ်း ၽႃႇရေႃး တႃႉ။ လွင်ႈၼင်ႇႁိုဝ်ၵဝ်တၵ်းလႆႈ ၼႄပျႃးၼီႉမိၵ်ႈၸိူဝ်းၼႆႉ ၵႃႈၼႂ်းမိူင်းၼႆႉ၊- ဢိၵ်ႇတင်းလွင်ႈၼင်ႇႁိုဝ်မႂ်းတၵ်းလႆႈဢဝ်လွင်ႈတၢင်းဢၼ်ၵဝ်ႁဵတ်းၵႃႈတီႈမိူင်း ဢေႇၵိပ်ႉတူႉ ဢိၵ်ႇတင်းၼီႉမိၵ်ႈတင်းလၢႆဢၼ်ၵဝ်ၼႄပျႃးၵႃႈၼႂ်းၵူၼ်း ဢေႇၵိပ်ႉတူႉ ၸိူဝ်းၼၼ်ႉ မွၵ်ႇလၢတ်ႈထိုင်ႁူလုၵ်ႈလၢၼ်မႂ်းလႄႈ ၶဝ်လႆႈႁူႉလွင်ႈဢၼ်ၵဝ်ပဵၼ်ထႃႇဝရႃႉၽြႃးၼၼ်ႉၸိုင်၊ ၵဝ်ႁႂ်ႈႁူဝ်ၸႂ်မၼ်း တင်းႁူဝ်ၸႂ်ၶႃႈမၼ်းၵူၼ်းမၼ်းတင်းလၢႆ ၼၵ်းၼႃႇယဝ်ႉ၊ ဝႃႈၼင်ႇၼႆဢေႃႈ။