Popular Bible Verses from ဢွၵ်ႇၵႂႃႇ 9

Share

ၵူၺ်း​ၵႃႈ လွင်ႈ​ၼင်ႇ​ႁိုဝ်​ၵဝ်​တၵ်း​ၼႄ​ပျႃး​တၼ်း​ၶူဝ်း​ၵဝ်​တီႈ​မႂ်း ဢိၵ်ႇ​တင်း​လွင်ႈ​ၼင်ႇ​ႁိုဝ် တၵ်း​ႁႂ်ႈ​ၼႃႇ​မႃႉ​ၸိုဝ်ႈ​သဵင်​ၵဝ်​ၸွတ်ႇ​သႃႈ​ႁူင်​ႁၢင်း​ၵႃႈ​ၼိူဝ်​လိၼ်​မိူင်း​ၼႆႉ ၵူႈ​တီႈ​ၵူႈ​လႅၼ်​ၸိုင်၊ ၵဝ်​လႆႈ​ယုၵ်ႉ​ယွင်ႈ​မႂ်း​ဝႆႉ​ဢမၢၼ်ႇ​ၶၼ်​ပဵၼ်​ယဝ်ႉ။

ၵမ်း​ၼၼ်ႉ ထႃႇဝရႃႉ​ၽြႃး​သမ်ႉ​မီး​ဢမိင်ႉ​တီႈ​ မူဝ်းသေႇ ​လႄႈ​ဝႃႈ​ၸမ်ႉ၊ မႂ်း​ၶဝ်ႈ​ၸူး​ၵႃႈ​တီႈ​ၶုၼ်​ႁေႃ​ၶမ်း​ ၽႃႇရေႃး ​လႄႈ လၢတ်ႈ​တီႈ​မၼ်း​လႄႈ​ဝႃႈ၊ ထႃႇဝရႃႉ​ၽြႃး ၽြႃး​ပဵၼ်​ၸဝ်ႈ ၵူၼ်း​ ႁေႇပြႄး ​တင်း​လၢႆ​လၢတ်ႈ​လႄႈ​ဝႃႈ​ၸမ်ႉ၊ ပွႆႇ​ၵူၼ်း​ၵဝ်​တင်း​လၢႆ​ၵႂႃႇ ႁႂ်ႈ​ၶဝ်​လႆႈ​ႁဵတ်း​ဝၢတ်ႈ​တီႈ​ၵဝ်​တႃႉ။

တေႃႈ​လဵဝ်​ၼႆႉ သင်​ၵဝ်​လႆႈ​ယိုၼ်း​မိုဝ်း​ၵဝ်​လႄႈ ဢဝ်​တင်း​တၢင်း​ဢၼ်​ပဵၼ်​ၵႃႇလႃႉ​ႁႃႈ​လႅင်​မိူင်း ပၼ်​တၢမ်ႇ​တီႈ​မႂ်း​ဢိၵ်ႇ​တင်း​ၵူၼ်း​မႂ်း​တင်း​လၢႆ​ယဝ်ႉ​ၸိုင်၊ ၵဝ်​လႆႈ​ယႃႉ​ၽဵဝ်ႈ​မႂ်း​ပႅတ်ႈ​သေ ၵႃႈ​တီႈ​လိၼ်​မိူင်း​ယဝ်ႉ​ဢေႃႈ။

မိုဝ်း​ထႃႇဝရႃႉ​ၽြႃး​ၼၼ်ႉ တၵ်း​ႁွတ်ႈ​ထိုင်​ၵႃႈ​ၼိူဝ်​တရိၵ်ႈသၢၼ်ႇ​မႂ်း ဢၼ်​မီး​ၵႃႈ​ၼႂ်း​တူင်ႈ​ၼႃး ဢၼ်​ဝႃႈ မႃႉ​လႂ်၊ လီႈ​လႂ်၊ ၵလႃးဢုၵ်ႉ​လႂ်၊ ၽုင်​သူဝ်း​ၽုင်​ဝူဝ်း​လႂ်​ၸိူဝ်း​ၼၼ်ႉ​လႄႈ ၶဝ်​တၵ်း​ၸပ်း​တၢင်း​ပဵၼ်​ၵႃႇလႃႉ ဢၼ်​ႁၢႆႉ​ၵျၢမ်း​ၼႃႇ​ဢေႃႈ။- ထႃႇဝရႃႉ​ၽြႃး​တၵ်း​ႁႂ်ႈ​တရိၵ်ႈသၢၼ်ႇ ၵူၼ်း​မဵဝ်း​ ဢီႉသရေႇလႃႉ ​တင်း​တရိၵ်ႈသၢၼ်ႇ​ၵူၼ်း​ ဢေႇၵိပ်ႉတူႉ ပႅၵ်ႇ​ပိူင်ႈ​ၵၼ်​လႄႈ တရိၵ်ႈသၢၼ်ႇ ဢၼ်​ၵူၼ်း​မဵဝ်း​ ဢီႉသရေႇလႃႉ ​ပိူင်ႇ​ၸိူဝ်း​ၼၼ်ႉ တၵ်း​ဢမ်ႇ​တၢႆ​သေ​တူဝ်။

တူၺ်း​လူး၊ ၵဝ်​တၵ်း​ႁႂ်ႈ​ၽူၼ်​မၢၵ်ႇ​ႁဵပ်း​ဢၼ်​ႁၢႆႉ​ၵျၢမ်း​ၼႃႇ၊ ဢၼ်​ၸႃႉ​ၸဵမ်​ၶိင်ႇ​ၵႃႇလႃႉ​မိူဝ်ႈ​ဢၼ်​ၸႃႉ​တႄႇ​မိူင်း​ ဢေႇၵိပ်ႉတူႉ ​ၼၼ်ႉ ႁၢၼ်ႉ​တေႃႇ​မိူဝ်ႈ​လဵဝ်​ၼႆႉ ဢမ်ႇ​တွၼ်ႉ​တူၵ်း​သေ​ပွၵ်ႈ​ၼၼ်ႉ ပဵၼ်​ၼႂ်း​ဝၼ်း​မိူဝ်ႈ​ၽုၵ်ႈ​မိူဝ်ႈ​ၶိင်ႇ​ၼႆႉ​ၼၼ်ႉ​ဢေႃႈ။- ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ​ပွႆႇ​ၸႂ်ႉ​ၵႂႃႇ​လႄႈ သိမ်း​ဢဝ်​တရိၵ်ႈသၢၼ်ႇ​ဢိၵ်ႇ​တင်း​ၵႃႈ​ဢၼ်​မႂ်း​မီး​ဝႆႉ ၵႃႈ​ၼႂ်း​တီႈ​ပၢင်ႇ​တီႈ​ပဵင်း​ၸိူဝ်း​ၼၼ်ႉ​မႃး​တႃႉ။ ၵႃႈ​ၼိူဝ်​ၵူၼ်း​ဢိၵ်ႇ​တင်း​တရိၵ်ႈသၢၼ်ႇ ၵႃႈ​ဢၼ်​လႆႈ​ထူပ်း​ႁၼ် ၵႃႈ​ၼႂ်း​တီႈ​ပၢင်ႇ​တီႈ​ပဵင်း​လႄႈ ဢမ်ႇ​ဢဝ်​မႃး​ၵႃႈ​တီႈ​ႁိူၼ်း​တင်း​သဵင်ႈ​တင်း​လူင်​ၸိူဝ်း​ၼၼ်ႉ၊ ၽူၼ်​မၢၵ်ႇ​ႁဵပ်း တၵ်း​တူၵ်း​သႂ်ႇ​လႄႈ ၶဝ်​ၼၼ်ႉ​တၵ်း​တၢႆ​ဢေႃႈ၊ ဝႃႈ​ၼင်ႇ​ၼႆ​တႃႉ၊ ဝႃႈ​ၼင်ႇ​ၼႆ​ဢေႃႈ။

တဝ်ႈ​ၼၼ်ႉ​တၵ်း​ပဵၼ်​မုၼ်ႈ​ဢၼ်​ၸွတ်ႇ​ၸႅတ်ႇ​ၵႂႃႇ​ၵႃႈ​ၼႂ်း​မိူင်း​ ဢေႇၵိပ်ႉတူႉ ၵူႈ​တီႈ​ၵူႈ​လႅၼ်​လႄႈ ပဵၼ်​တုမ်ႇ​ၸဵပ်း​ၵႃႈ​ၼႂ်း​ၼိူဝ်ႉ​ဢၼ်​ဢွၵ်ႇ​မႃး ပႃး​တင်း​တၢင်း​ဢၼ်​ပဵၼ်​ၶိုၼ်​လိုၼ်​ၶၢၼ်​လၢၼ် ၵႃႈ​တီႈ​ၵူၼ်း​ဢိၵ်ႇ​တင်း တရိၵ်ႈသၢၼ်ႇ​တင်း​လၢႆ​ၵႃႈ​ၼႂ်း​မိူင်း​ ဢေႇၵိပ်ႉတူႉ ​ၼႆႉ ၵူႈ​တီႈ​ၵူႈ​လႅၼ်​ဢေႃႈ၊ ဝႃႈ​ၼင်ႇ​ၼႆ​သေ​ယဝ်ႉ၊- သွင်​ၶႃ​ဢဝ်​တဝ်ႈ​ၵႃႈ​ၼႂ်း​ၽီး​ၽႆး​လႄႈ ၸုၵ်း​ယူႇ​ၵႃႈ​တီႈ​ၽၢႆႇ​ၼႃႈ​ၶုၼ်​ႁေႃ​ၶမ်း​ ၽႃႇရေႃး ​သေ​ယဝ်ႉ၊ မူဝ်းသေႇ ​ၵမ်​ပိုၼ်​ၶိုၼ်ႈ​ၵႃႈ​ၼိူဝ်​ၽႃႉ​ၵၢင်​ႁၢဝ်​လႄႈ တဝ်ႈ​ၼၼ်ႉ​ပဵၼ်​တုမ်ႇ​ၸဵပ်း ၵႃႈ​ၼႂ်း​ၼိူဝ်ႉ​ဢၼ်​ဢွၵ်ႇ​မႃး ပႃး​တင်း တၢင်း​ဢၼ်​ပဵၼ်​ၶိုၼ်​လိုၼ်​ၶၢၼ်​လၢၼ် ၵႃႈ​တီႈ​ၵူၼ်း​ဢိၵ်ႇ​တင်း တရိၵ်ႈသၢၼ်ႇ​တင်း​လၢႆ​ဢေႃႈ။