Popular Bible Verses from ၼႂ်းထိူၼ်ႇ 13

Share

ၵႃႇလႅပ်ႉ ၵေႃႈ ႁႂ်ႈ​ၵူၼ်း​တင်း​လၢႆ​ယူႇ​တဵတ်ႇ​တဵတ်ႇ​ယဵၼ်​ယဵၼ်​ၵႃႈ​တီႈ​ၽၢႆႇ​ၼႃႈ မူဝ်းသေႇ ​လႄႈ​ဝႃႈ၊ ဢွၼ်​ၵၼ်​ၶီႇ​ၵႂႃႇ​ၵမ်း​လဵဝ်​လႄႈ သိမ်း​ဢဝ်​မိူင်း​ၼၼ်ႉ​တႃႉ​ႁဝ်း။ ႁဝ်း​တၢတ်ႈ​ၼိူင်ႇ​ပႄႉ​ၼႅင်ႇ​လႆႈ​ယူႇ​ဢမၢၼ်ႇ​ၶၼ်​ပဵၼ်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵူၼ်း​မဵဝ်း​ၸိူဝ်ႉ​ၶိူဝ်း​ဢၼ်​တူဝ်​ယႂ်ႇ၊ ၵူၼ်း​မဵဝ်း​ ဢႃႇၼၵႃႉ ​ဢၼ်​သိုပ်ႇ​လူင်း​မႃး ၵႃႈ​တီႈ​ၵူၼ်း​မဵဝ်း​ဢၼ်​တူဝ်​ယႂ်ႇ​ၼၼ်ႉ​ၵေႃႈ ႁဝ်း​လႆႈ​ႁၼ်​ၵႃႈ​တီႈ​ၼၼ်ႈ​မႃး​ယဝ်ႉ။ ႁဝ်း​ၼႆႉ​ၸွမ်း​ၼင်ႇ​ဢၼ် တႃ​တူဝ်​ၸဝ်ႈ​ၵဝ်ႇ​ႁၼ်​ၼၼ်ႉ​ၸိုင်၊ ပဵၼ်​ၸိူဝ်ႉ​ၼင်ႇ​ၸၵ်း​တႅၼ်​ဝႆႉ​ဢေႃႈ။ ၸွမ်း​ၼင်ႇ​ဢၼ် တႃ​ၶဝ်​ႁၼ်​ၼၼ်ႉ​ၵေႃႈ ပဵၼ်​ၸိူဝ်ႉ​ၼင်ႇ​ၼၼ်​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ၶဝ်​ၸိူဝ်း​ဢၼ်​ၸွမ်း​လူၺ်ႈ​ၵၼ်​တင်း​မၼ်း​ၼၼ်ႉ​ၸမ်ႉ၊ ဢွၼ်​ၵၼ်​လၢတ်ႈ​လႄႈ​ဝႃႈ၊ ႁဝ်း​ဢမ်ႇ​တၢတ်ႈ​ၼိူင်ႇ​တိုၵ်း​ၵူၼ်း​မိူင်း​ၸိူဝ်း​ၼၼ်ႉ​လႆႈ။ ၶဝ်​ၼၼ်ႉ ယဵင်ႈ​ၶႅၼ်း​ႁႅင်း​ယႂ်ႇ​ၼႃႇ​သေ​ႁဝ်း​ၼႆႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၶဝ်​သမ်ႉ​မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​ဢၼ်​ဢမ်ႇ​လီ​ဢမ်ႇ​ငၢမ်း လူၺ်ႈ​လွင်ႈ​မိူင်း​ဢၼ်​ၶဝ်​လွမ်​တူၺ်း​ၼၼ်ႉ တီႈ​ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ​လႄႈ​ဝႃႈ၊ မိူင်း​ဢၼ်​ႁဝ်း​ၵႂႃႇ​လႄႈ လႄႇ​လဵပ်ႈ​လွမ်​တူၺ်း​ၼၼ်ႉ ၸၢင်ႈ​ၵိၼ်​ၵူၼ်း​ဢၼ်​ယူႇ​ၵႃႈ​ၼႂ်း​မၼ်း​တင်း​လၢႆ​ပႅတ်ႈ​ဢေႃႈ။ ၵူၼ်း​ဝၢၼ်ႈ​ၵူၼ်း​မိူင်း​ၵႃႈ​ဢၼ်​ႁဝ်း​ထူပ်း​ႁၼ်​ၵႃႈ​ၼႂ်း​မၼ်း​ၼၼ်ႉ သုင်​ပူၼ်ႉ​သုင်​လိူဝ်​ၼႃႇ​လူင်​လၢင်​ဢေႃႈ။

ၶဝ်​လဝ်ႊ​လၢတ်ႈ​တီႈ​ မူဝ်းသေႇ ​လႄႈ​ဝႃႈ၊ ႁဝ်း​ၶႃႈ​ႁွတ်ႈ​ထိုင်​ၵႃႈ​တီႈ​မိူင်း​ဢၼ် ၸဝ်ႈ​ႁဝ်း​ပွႆႇ​ၸႂ်ႉ​ႁဝ်း​ၶႃႈ​ၵႂႃႇ​ၼၼ်ႉ​ယဝ်ႉ​ၶႃႈ​ယဝ်ႉ။ မိူင်း​ၼၼ်ႉ ပဵၼ်​မိူင်း​ဢၼ်​ၼမ်ႉ​ၼူမ်း​တင်း​ၼမ်ႉ​ၽိုင်ႈ ၸၢင်ႈ​လႆ​ယူႇ​ဢမၢၼ်ႇ​ၶၼ်​ပဵၼ်​ၶႃႈ​ဢေႃႈ။ မၢၵ်ႇ​ၸိူဝ်း​ၼႆႉ​ၸမ်ႉ၊ ပဵၼ်​မၢၵ်ႇ​ဢၼ်​မၢၵ်ႇ ၵႃႈ​တီႈ​မိူင်း​ၼၼ်ႉ​ၶႃႈ​ဢေႃႈ။

ၼႂ်း​ဝႃႈ​ၼၼ်​သေ​ၵေႃႈ ၵူၼ်း​ဝၢၼ်ႈ​ၵူၼ်း​မိူင်း​ၸိူဝ်း​ၼၼ်ႉ ႁႅင်း​ယႂ်ႇ​ၼႃႇ​ၶႃႈ​ဢေႃႈ။ ဝဵင်း​ၶဝ်​ၸိူဝ်း​ၼၼ်ႉ ပဵၼ်​ဝဵင်း​ဢၼ်​မၼ်ႈ​ၶိူင်ႇ​လႄႈ ယႂ်ႇ​ၼႃႇ​လူင်​လၢင်​ၶႃႈ​ဢေႃႈ။ လိူဝ်​သေ​ၼၼ်ႉ ႁဝ်း​ၶႃႈ​လႆႈ​ႁၼ်​ၵူၼ်း​မဵဝ်း​ ဢႃႇၼၵႃႉ ၵႃႈ​တီႈ​ၼၼ်ႈ​ၶႃႈ​ဢေႃႈ။

ၵူၼ်း​မဵဝ်း​ ဢႃႇမလႅၵ်ႉ ​တင်း​လၢႆ​ယူႇ​ၵႃႈ​တီႈ​ပွတ်း​တၢင်း​ၸၢၼ်း၊ ၵူၼ်း​မဵဝ်း​ ႁိတ်ႉတီႉ ၊ ၵူၼ်း​မဵဝ်း​ ယေႇပူႉသီႉ ၊ ၵူၼ်း​မဵဝ်း​ ဢႃႇမေႃးရီႉ ​တင်း​လၢႆ​ယူႇ​ၵႃႈ​တီႈ​ၼိူဝ်​လွႆ၊ ၵူၼ်း​မဵဝ်း​ ၶႃႇၼၼီႉ ​တင်း​လၢႆ ယူႇ​ၵႃႈ​တီႈ​ႁိမ်း​ပၢင်ႇ​လၢႆႇ ဢိၵ်ႇ​တင်း​ၵႃႈ​တီႈ​ႁိမ်း​ၼမ်ႉ​ႁွင်ႈ​ ယေႃးတၢၼ်ႇ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၶဝ်​ၶိုၼ်း​ႁွတ်ႈ​ထိုင်​ၵႃႈ​တီႈ​ မူဝ်းသေႇ တင်း​ ဢႃႇရုၼ်ႇ ဢိၵ်ႇ​တင်း ၵူၼ်း​မဵဝ်း​ ဢီႉသရေႇလႃႉ ​တင်း​သဵင်ႈ​တင်း​လူင် ၵႃႈ​ၼႂ်း​ထိူၼ်ႇ​ ပႃႇရၼ်ႇ တီႈ​ ၵႃႇတေႇသႃႉ ​ၼၼ်ႉ​သေ​ယဝ်ႉ၊ မွၵ်ႇ​လၢတ်ႈ​သတၢင်း​သဵင်​ၶၢဝ်ႇ​တီႈ​ပရဵၵ်ႈသၢတ်ႈ​တင်း​သဵင်ႈ​တင်း​လူင်​လႄႈ၊ ဢဝ်​မၢၵ်ႇ​ဢၼ် မၢၵ်ႇ​ၵႃႈ​တီႈ​မိူင်း​ၼၼ်ႉ​ၸိူဝ်း​ၼၼ်ႉ​ၼႄ​ပျႃး​ဢေႃႈ။