Popular Bible Verses from ၼႂ်းထိူၼ်ႇ 14

Share

ၵူၺ်း​ၵႃႈ ယႃႇ​ပေ​ဢွၼ်​ၵၼ်​ပုင်ႇ​ၵၢၼ်ႇ​ထႃႇဝရႃႉ​ၽြႃး​သေ​ၵမ်း။ ယႃႇ​ပေ​ၵူဝ်​ပေ​ႁႄ​ၵူၼ်း​ဝၢၼ်ႈ​ၵူၼ်း​မိူင်း​ၼၼ်ႉ​သေ​ၵမ်း။ ၶဝ်​ၼၼ်ႉ ပဵၼ်​ပုၼ်ႈ​ဢၼ်​ႁဝ်း​တၵ်း​ၵိၼ်​ဢေႃႈ။ တၢင်း​ဢၼ်​ႁႄႉ​ဢၼ်​ၵင်ႈ​ၶဝ်​ၼၼ်ႉ ၶၢႆႉ​သေ​ၵႃႈ​တီႈ​ၼိူဝ်​ၶဝ်​ၵႂႃႇ​ယဝ်ႉ။ ထႃႇဝရႃႉ​ၽြႃး မီး​ယူႇ​ၽၢႆႇ​ႁဝ်း​ဢေႃႈ။ ယႃႇ​ပေ​ၵူဝ်​ပေ​ႁႄ​ၶဝ်​ၼၼ်ႉ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊

ထႃႇဝရႃႉ​ၽြႃး ပဵၼ်​ၽြႃး​ပဵၼ်​ၸဝ်ႈ ဢၼ်​ပျေႉ​ၸုမ်ႇ​တင်း သၽေႃး​ဢၼ်​ၸႂ်​ယႂ်ႇ​ၸႂ်​ယၢဝ်း၊ ဢၼ်​လိူင်ႇ​တဵမ်​ဝႆႉ​တင်း တၢင်း​ဢၼ်​ဢဵတ်း​လူ ဢၼ်​ပွႆႇ​လွတ်ႈ​တၢင်း​ဢၼ် ၵမ်​ၵျၢင်ႉ​ဢႃႉထမ်ႇမႃႉ ဢိၵ်ႇ​တင်း​တၢင်း​ဢၼ်​ပူၼ်ႉ​လိူဝ်​တြႃး​ၸဝ်ႈ​သေ​လႄႈ၊ ဢမ်ႇ​ပွႆႇ​ဢမ်ႇ​လွတ်ႈ​လၢႆ​လၢႆ​လွၵ်ႇ​လွၵ်ႇ၊ ဢၼ်​ၸီႇ​ယၢင်ႇ​တႅၼ်း​ပၼ်​ဢပႅတ်ႈ​ပေႃႈ တီႈ​လုၵ်ႈ​လၢင်း​တင်း​လၢႆ တေႃႇ​ထိုင်​ႁွတ်ႈ​ၸူဝ်ႈ​လုၵ်ႈ​ပၢၼ်​လၢၼ်​သိုပ်ႇ​တႃႉတီႉယႃႉ၊ သိုပ်ႇ​ၸတုၵ်ႉထႃႉ​ၼၼ်ႉ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​သေ​ၵမ်း​လူၺ်ႈ​တီႈ​ၶႃႈ၊

ပေႃး​ထႃႇဝရႃႉ​ၽြႃး​မူၼ်ႈ​ပျေႃႇ​ၼႂ်း​ႁဝ်း​ၸိုင်၊ မၼ်း​ၸဝ်ႈ​တၵ်း​ဢဝ်​ႁဝ်း​သူင်ႇ​ႁွတ်ႈ​ၵႃႈ​တီႈ​မိူင်း​ဢၼ် ၼမ်ႉ​ၼူမ်း​တင်း​ၼမ်ႉ​ၽိုင်ႈ​ၸၢင်ႈ​လႆ​ယူႇ​ၼၼ်ႉ​လႄႈ ပၼ်​ႁဝ်း​ပိူင်ႇ​ဢေႃႈ။

ၶႃႈ​ၵဝ်​ ၵႃႇလႅပ်ႉ ​ၸမ်ႉ၊ ၵွပ်ႈ​ပိူဝ်ႈ​ဢၼ်​မီး​သၽေႃး​ဢၼ်​လၢၵ်ႇ​ပိူင်ႈ​လႄႈ ၸွမ်း​လင်​ၵဝ်​လုမ်း​လုမ်း​ၼၼ်ႉ​လႄႈ ၵဝ်​တၵ်း​ဢဝ်​မၼ်း​သူင်ႇ​ႁွတ်ႈ ၵႃႈ​ၼႂ်း​မိူင်း​ဢၼ်​မၼ်း​ၵႂႃႇ​ယဝ်ႉ​ၼၼ်ႉ​လႄႈ ၸိူဝ်ႉ​ၶိူဝ်း​မၼ်း​တၵ်း​လႆႈ​ပိူင်ႇ​ဢေႃႈ။

မႂ်း​သင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ ထႃႇဝရႃႉ​ၽြႃး​မီး​ဢမိင်ႉ​လႄႈ​ဝႃႈ​ၸမ်ႉ၊ ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​ၼၼ်ႉ၊ ၵဝ်​တၵ်း​ႁဵတ်း​တီႈ​သူ​ၸွမ်း​ၵႃႈ​ၼင်ႇ​ၵႂၢမ်း​ဢၼ်​သူ​လၢတ်ႈ​ထိုင်​ႁူ​ၵဝ်​ၼၼ်ႉ​ဢေႃႈ။

ထႃႇဝရႃႉ​ၽြႃး​လၢတ်ႈ​တီႈ မူဝ်းသေႇ ​လႄႈ​ဝႃႈ၊ ၵူၼ်း​မဵဝ်း​ၼႆႉ​တၵ်း​ႁဵတ်း​ဢမ်ႇ​ရူဝ်ႇ​သေႇ​ၵူဝ်​ယမ်​ၵဝ်​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။ ပိၵ်ႉ​သမ်ႉ ၶဝ်​လႆႈ​ႁၼ်​ၼီႉမိၵ်ႈ​လၢၵ်ႈၶၼႃႇ​ၵႃႈ​ဢၼ်​ၵဝ်​လႆႈ​ၼႄ​ပျႃး​တီႈ​ၶဝ်​မႃး​ယဝ်ႉ​ၸိူဝ်း​ၼၼ်ႉ​သေ​ၵေႃႈ ၶဝ်​ယင်း​ဢမ်ႇ​ယုမ်ႇ​ၵဝ်​လႄႈ တၵ်း​ယူႇ​ၶိင်ႇ​ၵႃႇလႃႉ​ႁိုင်​ၵႃႈ​ႁိုဝ်။

ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင် တၢင်ႇ​ဢပႅတ်ႈ​ပွင်ႉ​ၶၢင်း​ပွင်ႉ​မိူၼ်ႇ​တီႈ​ မူဝ်းသေႇ ​တင်း​ ဢႃႇရုၼ်ႇ ​လႄႈ​ဝႃႈ၊ ႁဝ်း​ၼႆႉ၊ ၸိုင်​ဢမ်ႇ​တၢႆ​သေ​ၵႃႈ​တီႈ​မိူင်း​ ဢေႇၵိပ်ႉတူႉ ​ၼၼ်ႉ။ ၸိုင်​ဢမ်ႇ​တၢႆ​သေ​ၵႃႈ​တီႈ​ၼႂ်း​ထိူၼ်ႇ​ၼႆႉ။

ယေႃးသူႉ ​လုၵ်ႈ​ၸၢႆး​ ၼုၼ်ႇ တင်း​ ၵႃႇလႅပ်ႉ လုၵ်ႈ​ၸၢႆး​ ယေႇၽုၼ်ႇၼႃႉ ဢၼ်​ပႃး​ၼႂ်း​ၶဝ်​ၸိူဝ်း​ဢၼ်​ၵႂႃႇ​လွမ်​ၵႂႃႇ​တူၺ်း မိူင်း​ ၶႃႇၼၢၼ်ႇ ​ၼၼ်ႉ ၸၵ်ႉ​သိၵ်ႇ​ၶူဝ်း​ၼုင်ႈ​သွင်​ၶႃ​လႄႈ၊- လၢတ်ႈ​တီႈ​ပရဵၵ်ႈသၢတ်ႈ​ၵူၼ်း​မဵဝ်း​ ဢီႉသရေႇလႃႉ တင်း​သဵင်ႈ​တင်း​လူင်​လႄႈ​ဝႃႈ၊ မိူင်း​ဢၼ်​ႁဝ်း​ၵႂႃႇ​လႄႈ လႄႇ​လဵပ်ႈ​လွမ်​တူၺ်း​ၼၼ်ႉ ပဵၼ်​မိူင်း​ဢၼ်​လီ​ၼႃႇ​လူင်​လၢင်​ဢေႃႈ။

ၵႃႈ​ၼင်ႇ​ဢၼ် ၵဝ်​ဢသၢၵ်ႈ​လိပ်း​ယူႇ​လႄႈ မုၼ်​ၽုင်း​ထႃႇဝရႃႉ​ၽြႃး​တၵ်း​ၸွတ်ႇ​တူဝ်ႈ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​ၼၼ်ႉ၊- ၵူၼ်း​ၵႃႈ​ဢၼ် လႆႈ​ႁၼ်​မုၼ်​ၽုင်း​ၵဝ် ဢိၵ်ႇ​တင်း​ၼီႉမိၵ်ႈ​လၢၵ်ႈၶၼႃႇ ဢၼ်​ၵဝ်​ၼႄ​ပျႃး​ၵႃႈ​ၼႂ်း​မိူင်း​ ဢေႇၵိပ်ႉတူႉ ဢိၵ်ႇ​တင်း​ထိူၼ်ႇ​ၼႆႉ ၸိူဝ်း​ၼၼ်ႉ​ယူႇ​လႄႈ၊ ဢမ်ႇ​ထွမ်ႇ​ဢဝ်​ၵႂၢမ်း​ၵဝ်၊ ၸၢမ်း​တူၺ်း​ၵဝ်​တေႃႇ​ထိုင်​ႁွတ်ႈ​သိပ်း​ပွၵ်ႈ​ၼၼ်ႉ၊- ဢမ်ႇ​လႆႈ​ႁၼ်​မိူင်း​ဢၼ်​ၵဝ်​တိူင်ႇ​ဝႃႈ တီႈ​ပူႇ​မွၼ်ႇ​ၶဝ်​ၼၼ်ႉ​ဢမၢၼ်ႇ​ၶၼ်​ပဵၼ်​ဢေႃႈ။ ၵေႃႉ​ဢၼ်​ႁဵတ်း​ဢမ်ႇ​ရူဝ်ႇ​သေႇ​ၵူဝ်​ယမ်​ၵဝ်​ၼၼ်ႉ ဢမ်ႇ​လႆႈ​ႁၼ်​သေ​ၵေႃႉ​သေ​ၵူၼ်း။