Popular Bible Verses from Lukas 11

Share

Jadi, kalo kamong manusia yang jahat sa tau kasi apa yang bae par kamong pung anana, apalai kamong pung Bapa di sorga! Antua nanti kasi Antua pung Roh par orang-orang yang minta dari Antua.”

Jadi dengar Beta bilang par kamong: Minta, la kamong nanti dapa kasi. Cari, la kamong nanti dapa. Toki pintu, la akang nanti dapa buka par kamong.

Barang, sapa sa yang minta nanti dapa kasi. Sapa sa yang cari nanti dapa. La sapa sa yang toki pintu, nanti akang dapa buka par dia.

La Yesus bilang par dong kata, “Kalo kamong sombayang, sombayang bagini: ‘Sio Bapa! Katong minta biar samua orang taru hormat par Bapa. Katong minta biar Bapa pegang parenta jadi Raja par samua orang.

Sio Bapa e! Tolong kasi ampong katong pung dosa-dosa jua, sama deng katong jua kasi ampong sapa sa yang biking sala par katong. La jang kasi tinggal katong dapa coba par biking dosa.’ ”

Katong minta biar Bapa kasi makanang yang katong parlu sabang hari.

Kamong pung mata tu yang jadi palita par kamong pung diri. Kalo kamong pung mata tu tarang, kamong pung diri samua tarang lai. Mar kalo kamong pung mata tu galap, kamong pung diri jua galap lai.

Yesus bilang par orang banya kata, “Seng satu orang lai yang bakar palita la sambunyi ka tutu akang deng sempe to? Dong pasti taru akang di tampa yang tinggi biar samua orang yang maso ka dalang ruma bisa dapa lia akang pung tarang.