Popular Bible Verses from Lukas 12

Share

Jadi kamong jua musti salalu siap, tagal Beta Ana Manusia ni nanti bale kombali di waktu yang kamong seng sangka-sangka.”

Mar, usaha biar Allah pegang parenta jadi Raja dalang kamong pung hidop, la Antua nanti kasi samua yang kamong parlu tu jua par kamong.

La Antua bilang par dong samua kata, “Kamong musti ati-ati deng jaga diri, jang sampe kamong galajo harta. Barang, harta seng bisa biking katong hidop, biar kata harta tu banya lai.”

Barang, kalo kamong pung harta ada di mana, kamong pung hati ada di situ lai.”

Sapa dari kamong yang tagal dia pung hati balisa bisa kasi panjang dia pung umur biar cuma satu jam sa?

La Yesus bilang par Antua pung murid-murid kata, “Tagal itu, dengar Beta bilang par kamong! Jang balisa soal kamong pung hidop, soal apa yang nanti kamong makang. Ka, jang balisa soal kamong pung badang, soal apa yang nanti kamong pake.

Bagitu lai deng kamong. Antua tau kamong luar-dalang. Kamong pung rambu di kapala jua Antua tau akang ada barapa banya. Jadi jang taku, tagal par Antua, kamong tu labe panting dari burung cui banya tu.

Kamong memang sadiki sa, sama deng domba satu kalompok kacil. Mar jang taku, tagal kamong pung Bapa sanang kalo kamong pegang parenta sama-sama deng Antua.

Coba lia burung-burung gagak. Akang seng bakabong, seng ambe hasil, deng seng ada pung gudang ka tampa simpang makanang, mar Allah kasi makang akang. Masa kamong seng tau kalo par Antua kamong jau labe panting dari burung-burung tu?

Jadi, jang tinggal kong pikir susa soal apa yang nanti kamong makang deng minong. Jang balisa soal itu!

Jadi, kalo rumpu liar yang hari ini ada mar eso su dapa bakar tu sa Allah kalesang akang, apalai kamong? Antua pasti kalesang kamong labe dari rumpu liar tu, hoe orang-orang yang kurang parcaya e!

Seng ada apapa satu lai yang tatutu mati yang nanti seng bisa dapa lia, deng seng ada apapa satu lai yang tasambunyi yang nanti seng bisa dapa tau.