Popular Bible Verses from Lukas 13

Share

Yesus bilang kata, “Usaha sunggu-sunggu par maso lewat pintu yang kacil. Barang, dengar Beta bilang par kamong: Banya orang nanti coba par maso lewat akang, mar dong seng bisa maso.

Di situ ada parampuang satu yang su saki sapulu dalapang taong. Setang biking dia saki sampe dia bongko la seng bisa badiri lurus-lurus lai. Pas Yesus lia parampuang tu, Antua panggel dia la bilang par dia kata, “Mama e, sakarang mama su bae!”

Tarus, Yesus taru Antua pung tangang di atas parampuang tu. Oras itu jua, parampuang tu badiri lurus-lurus la puji-puji Allah.

Jadi dengar bae-bae! Orang-orang kacil nanti jadi orang basar la orang-orang basar nanti jadi orang kacil.”

Barang, kalo tuang ruma su badiri la konci pintu tu, dong nanti badiri di luar toki-toki pintu deng bilang kata, ‘Tuang e! Tolong buka pintu par katong jua!’ Mar tuang ruma tu nanti manyao kata, ‘Beta seng kanal kamong. Beta jua seng tau kamong datang dari mana.’

Bukang bagitu! Mar dengar Beta bilang par kamong: Kalo kamong seng kasi tinggal kamong pung dosa-dosa, kamong samua nanti binasa lai!”

Mar tuang ruma tu nanti bilang lai kata, ‘Beta seng kanal kamong. Beta jua seng tau kamong datang dari mana. Kamorang samua tu tukang biking kajahatang! Pi dari Beta pung dalang muka!’

Abis itu Yesus bilang lai kata, “Beta mau pake conto apa biar kamong bisa mangarti kira-kira waktu Allah pegang parenta jadi Raja tu macang apa e? Beta musti pake ande-ande apa par kasi jelas akang par kamong e? Akang macang deng biji yang kacil paskali yang orang tanang di kabong. Akang batumbu sampe jadi pohong la burung-burung datang biking sarang di akang pung jaga-jaga.”