Popular Bible Verses from Lucas 10

Share

Kune̱ꞌyá rán, ntaji ni̱ꞌ nu̱u̱nꞌ ránoꞌó tiñu ñáꞌnú ííꞌ níꞌin níso ni̱ꞌ ya̱ kuvi kua̱ñu̱ꞌ ránú ko̱o̱ꞌ jín ti̱suꞌmaꞌ, jín ya̱ suni kuneí rán nu̱u̱nꞌ nɨꞌɨ fuersáꞌ rá kui̱ꞌna̱ꞌ ya̱ nkenta si̱kɨ̱ꞌ Ndiosíꞌ jee ni ɨɨn ntu̱náꞌ kúvi xtufíꞌ ránoꞌó.

Jee nna̱xiníkó I̱toꞌoꞌ‑ó jee nkachiꞌ re̱ꞌ nu̱u̱nꞌ ña: ―Marta, Marta, na̱ ka̱ꞌ nániꞌvɨꞌ nániꞌvɨꞌ iniꞌ nú jee ñúníní iniꞌ nú jie̱ꞌe̱ꞌ kue̱ꞌe̱ꞌ rá tiñu íyó nu̱u̱nꞌ nú. Soo íyó métúꞌún ɨɨn jie̱ꞌe̱ꞌ jíniñúꞌún ñɨvɨ, chi María jee nka̱ji ña máá tiñu váꞌa ka̱ꞌ máá ñáꞌnú ka̱ꞌ, jee ntu̱náꞌ yó kaneeꞌ maa nu̱u̱nꞌ ña ―nkachiꞌ Jesús.

Jee nna̱xiníkó te̱e vá jee nkachiꞌ‑i: ―Íyó kunu̱u̱nꞌ nú I̱toꞌoꞌ nú ya̱ kúvi Ndiosíꞌ nú jín nɨꞌɨ ne̱ ánímaꞌ nú, jín nɨꞌɨ iniꞌ nú, jín nɨꞌɨ kua neí iniꞌ nú, jín nɨꞌɨ antúníꞌ nú, jee íyó kunu̱u̱nꞌ nú rá ñanitáꞌán nú kuéntáꞌ kua̱ꞌ ñúnúunꞌ nú maánú, káchíꞌ Tu̱ꞌun vá ―nkachiꞌ te̱e vá.

Jee nkachiꞌ re̱ꞌ nu̱u̱nꞌ ráa: ―Máá nááꞌ nijia ya̱ kue̱ꞌe̱ꞌ víꞌí ñɨvɨ ki̱vɨ nu̱u̱nꞌ Ndiosíꞌ ya̱ kúvi ráa tataꞌ sáꞌá re̱ꞌ. Soo íyó yakuꞌ ni rá musúꞌ kɨ̱stékútu̱ꞌún ráa Tu̱ꞌun Ndiosíꞌ sáva kɨ̱nastútú rá ñɨvɨ vá. Saáva ka̱ka̱nꞌ táꞌvíꞌ rán nu̱u̱nꞌ Ndiosíꞌ I̱toꞌoꞌ xí tataꞌ sáꞌá vá, ya̱ chuichí re̱ꞌ ka̱ꞌ rá musúꞌ kɨ̱ꞌɨ̱nꞌ ráa nastútúꞌ ráa maa.

¿Né ɨɨn ni núníꞌ rá te̱e vá káꞌvi iniꞌ nú ya̱ nsa̱ꞌá re̱ꞌ kuéntáꞌ ɨɨn ñanitáꞌán nu̱u̱nꞌ te̱e nkininkava‑a xi̱ntíín rá te̱e kuíꞌná? ―nkachiꞌ Jesús. Jee nkachiꞌ te̱e súkuáꞌa jie̱ꞌe̱ꞌ tu̱ꞌun nta̱túníꞌ Ndiosíꞌ: ―Te̱e ya̱ nku̱náꞌví iniꞌ‑i te̱e ntúfiꞌ vá ―nkachiꞌ‑i. Jee nkachiꞌ Jesús nu̱u̱nꞌ‑u: ―Kuáꞌán jee suni sukuán saꞌá nú ―nkachiꞌ Jesús.

’Kuáꞌán ránú, kune̱ꞌyá rán, chi chúichí ni̱ꞌ ránoꞌó kuéntáꞌ kua̱ꞌ lanchi lúlí nteñu rá ñɨvɨ ya̱ kúvi ráa kuéntáꞌ váꞌúꞌ xéénꞌ.