Popular Bible Verses from Mateub 27

Share

Tsî ǃnona ir i ge, ob ge Jesuba ǃgari dommi ǀkha ǂgaiǂui tsî ge mî: “Eli, Eli, lama sabaxtani?” ǁNās ge “Ti Elotse, ti Elotse, tare-i ǃaromats go ǁnāxū te?” ti ra ǂâibasen.

ǁNā ǁaeb ǁkhāb aib ge Tempeli di mâiǁkhaeba ǀgam ǃâra ǃnâ, ǀgapiseba xu ǃnakab kōse ge doaǃā; tsîb ge ǃhūǂgubiba hâ tsî ǃhaoga ge ǂariǃā, ǀhobadi tsîn ge ǁkhāti ge ǁkhowa-amsen tsî di ge ǂgui sorodi, Elob khoen ǁō ge hâ in dide ge khâi.

ǁKhawab ge Jesuba ǃgari dommi ǀkha ǂgaiǂui tsî ǀoms âba ge māǁnâ.

Tsî kaidisigu danakhoeb tsî toroǃkhamaogu ǁîb ǀkha Jesuba gere ǃûigu ge ǃhūǂgubib tsî ī gena mû, o gu ge kaise ǃao tsî ge mî: “Amase nēb ge go Elob Ôa i!”

Tsî disiǀgamǀa irsa xub ge hoaraga ǃhūb ai ǃkhaenaba ge hā, ǃnona irs kōse.

Ob ge Pilatuba ǁîna ge dî: “Mâti ta ǁnâi Jesub, Xristub ti ra ǂgaiheb ǀkha nî dī?” On ge hoana “ǃGâu bi!” ti ge ǃau. Ob ge Pilatuba ge dî: “Tare-eb ǁnâi tsūdī hâ?” On ge “ǃGâu bi!” ti ǃnāǂamsase ge ǃau.