Mateub 27
27
Jesub ge Pilatub aiǃâ ra sī-ūhe
(Markub 15:1; Lukab 23:1-2; Johaneb 18:28-32)
1ǃNauǁgoaga gu ge hoa danapristergu tsî ǁaes di ǂnomdomgu* tsîga Jesuba gu nî ǃgamse ge ǀapeǀhao. 2Tsî gu ge ǁîba ǀuriǃgae-ūdan ǀkha ǃgae tsî ǀkharisi mûǂamaob Pontiub Pilatuba sī ge māǁnâ.
Judab di ǁōb
(ǃNaeǃkhaidi 1:18-19)
3 #
ǃNǃkh. 1:18-19
Ob ge Judab, ǀapexū-aoba, Jesub ge ǀgoraǃgâhe ǃkhaisab ge mûo, ǃhausen tsî ǁnā ǃnonadisi ǀhaiǀuri maride ū tsî danapristergu tsî ǂnomdomgu tsîgu ǁga ge oa-ū. 4Tsîb ge ǁîgu ǃoa ge mî: “ǁOre ta ge go, ǀhapio ǀaoba ta go ǀapexū ǃkhais ǀkha.”
“Tare-e ge sige ǁae hâ? ǁNā-i ge sa ǃgomsi-e!” ti gu ge ge ǃeream bi.
5Ob ge Judaba maride Tempeli ǃnâ aoǂgā, ǃgûbē tsî ge sī ǂgāmâisen.
6O gu ge danapristerga maride ūkhâi tsî ge mî: “Moseb ǂhanub* ǃoagu hâ ǃkhais ge nē maride Tempeli di ǁuiǂgaes ǃnâ aoǂgāsa, ǀaomari-i a amaga.” 7Tsî mîǀguitoa gu ges khaoǃgâ gu ge nē mari-e ū tsî sūkuru-aob di ǃhanaba ǃhaokhoen ǁkhōǃkhaib ase ge ǁama. 8ǁNā-amagab ge ǁnā ǃhanaba nētsēs kōse “ǀAoǃhanab” ti ra ǂgaihe.
9 #
Sax. 11:12-13
ǃNubais ge kēbo-aob Jeremiab di mîsa ge ama, nēti ra mîsa: “Tsî gu ge ǃnonadisi ǀhaiǀuri maridi Israelǁîn ge mîǀguide ge ū 10tsî nē maridi ǀkha sūkuru-aob ǃhanaba ge ǁama, ǃKhūb ge tita mîmā khami.”
Pilatub ge Jesuba ra dîǃnâ
(Markub 15:2-5; Lukab 23:3-5; Johaneb 18:33-38)
11Jesub ge ǀkharisi mûǂamaob aiǃâ mâihe, ob ge ǀkharisi mûǂamaoba ge dî bi: “Jodeǁîn gao-aotsa kha satsa?” Ob ge Jesuba ge ǃeream: “Sats ra mî.” 12Danapristergu tsî ǂnomdomgu xab ge ǀhapiǂgā-amhe, xaweb ge xū-i xare-e ǃeream tama ge i.
13Ob ge Pilatuba ǁîba ǃoa ge mî: “ǁNâu tamats hâ, mâtikōse gu ra ǀhapiǂgā-am tsi ǃkhaisa?”
14Xaweb ge Jesuba ǀgui mî-i tsîna ǃeream bi tama ge i; ob ge ǀkharisi mûǂamaoba kaise ge buru.
Jesub ge ǁōb ǃoa ra ǀgoraǃgâhe
(Markub 15:6-15; Lukab 23:13-25; Johaneb 18:39—19:16)
15Mâ Pasxaǁâudīb di ǁaeb hoab ǃnâb ge ǀkharisi mûǂamaoba ǁnaetisase khoena ǁîn ra ǂgao ǀgui ǃkhōsabeba gere ǁnāxūba. 16ǁNā ǁaeb ǃnâ gu ge ǂanǂansa ǃkhōsabeb, Barabab#27:16 Barabab: ǀNî xoaǁguigu ge Jesub Barabab ti ūhâ. ti ǀon hâba ǃkhōsis ǃnâ ge ūhâ i. 17Tsî khoen ge ǀhao, ob ge Pilatuba ǁîna ge dî: “Tariba ta nî ǁnāxūba du ǃkhaisa du ra ǂgao? Barababa tamas ka io Jesub, Xristub* tis tsîna ra ǂgaiheba?” 18ǁÎb ge ǂan i, suriba xun ge Jesuba māǁnâ ǃkhaisa xui-ao.
19 #
Luk. 23:4
Tsî ǀgoraǃgâǃnaos aib ǂnôa hîas ge taras âba ge haisi: “Tā satsa xū-i xare-e nē ǀhapio khoeb ǀkha ǁae, nētsē ta go ǁîb ǃaroma ǁhapos ǃnâ kaise tsâ xuige.”
20Xawe gu ge danapristergu tsî ǂnomdomga ǂnubis khoena ge gowadan, Barababa ǂganbasensa, îb Jesuba ǃgamhe. 21Ob ge Pilatuba ǂnubisa ge dî: “Nē ǀgamkha xa mâba ta nî ǁnāxū ǃkhaisa du ǂhâba hâ?”
On ge “Barabab!” ti ge ǃeream.
22Ob ge Pilatuba ǁîna ge dî: “Mâti ta ǁnâi Jesub, Xristub ti ra ǂgaiheb ǀkha nî dī?”
On ge hoana “ǃGâu bi!” ti ge ǃau.
23Ob ge Pilatuba ge dî: “Tare-eb ǁnâi tsūdī hâ?”
On ge “ǃGâu bi!” ti ǃnāǂamsase ge ǃau.
24 #
Deu. 21:6-9
Pilatub ge ǃaruǀîb xū-e dī ǁoa tsîb kai khâikhâisenni ǀguiba ra hā ǃkhaisab ge mû, o ǁgam-e ū tsî nē ǂnubis aiǃâ ǁānǃom tsî ge mî: “Tita ge nē khoeb di ǁōb ai a ǀhapio! Sado ǃaruǀî mûbasen!”
25Os ge hoaraga ǂnubis khoena ge ǃeream: “Ab ǁîb ǀaoba sida tsî sida ôan ǂamai hā!”
26Tsîb ge Pilatuba ǁîna Barababa ge ǁnāxūba; tsîb ge ǁnās khaoǃgâ Jesuba ǂnau kai tsî ge māǁnâ, ǃgâuheb nîse.
Toroǃkhamaogu ge Jesuba ra ǃhō
(Markub 15:16-20; Johaneb 19:2-3)
27O gu ge Pilatub di toroǃkhamaoga Jesuba ǀgoraǃgâ-ommi ǃnâ ge ǂgâ-ū tsîs ge hoaraga toroǂnubisa ǁîb ǂnamipe ge ǀhao. 28ǁÎgu ge Jesuba ǂgaeǂuiǀkhā tsî ǂhoaǀapa anaǂamsaraba ana, 29ǁkhūkronsa kuru, ǁîb danas ai ǂnûi, ǂāba ǁîb amǀkhāb ǃomǁae mā, ǁîb aiǃâ ǃhonǁgoa tsî ǃhō bi tsî ge mî: “Tawede tsi ge ge ra, Jodeǁîn gao-aotse.” 30ǂĀra-ai bi tsî gu ge haiba ū tsî danas âb ai ge ǂnau bi. 31ǃHōtoa bi gu ge, o gu ge ǂhoaǀapa anaǂamsaraba ǁhû bi tsî ǁîb ǂhunuma sarana ana bi tsî ge ǃgû-ū bi, ǃgâuheb nîga.
Jesub ge ra ǃgâuhe
(Markub 15:21-32; Lukab 23:26-43; Johaneb 19:17-27)
32Tsî ǃāsa xu gu ra ǂoa hîa gu ge Sireneǁîb,#27:32 Sireneǁîb: ǀApasǀkhāb Afrikab huri-ammi ai ge ǂnôa ǃāsa xu ge hâ i khoeb. Simon ti ǀon hâba ǀhao-ū tsî ǁîba ge ǁgari, îb Jesub ǃgâuhaiba* tani. 33Tsî Golgotas, danaǂkhōs ǃkhais#27:33 Danaǂkhōs ǃkhais: Nē ǃnâus ge ǁaubexas danaǂkhō-i di īsiba ūhâ xui-ao ǁnāti gere ǂgaihe. ti ra ǂgaihes tawa gu ge sī, 34#Psa. 69:21o gu ge ǀkhuru xûib, kaise au xū-i ǀkha habahe hâba Jesuba ge āsi; xaweb ge tsâtsâb geo, ā ǂgao tama ge i. 35#Psa. 22:18ǁÎgu ge ǃgâu bi tsî ǂnōgusa ao tsî saran âba ǁîgu ǃnâ ge ǀgora.#27:35 ǀNî xoaǁguigu ge ra ǀaro: Kēbo-aob ge mî hâ i mîs nî ǀoase: “Ti sarana ǀgoragu tsî gu ge ti anaǂamsarab ǂama ǂnōgusa ge ao.” 36ǁNās khaoǃgâ gu ge ǁnāpa ǂnû tsî ǁîba gere ǃûi. 37Tsî gu ge ǁîb danaǂam ǀhapiǂnûiǀkhās di saos “Nēb ge Jesub, Jodeǁîn di gao-aoba” ti ra mîsa xoa tsî ge ǂgāmâi. 38ǀGam ǁkhâuǁnâ-aokha tsîn ge ǁîb ǀkha ge ǃgâuhe hâ i, ǀguiba amǀkhāb ai tsî nauba ǁareǀkhāb ai.
39 #
Psa. 22:7; 109:25
Sir. 12:17-18; 13:7 Tsî ǁnāpa gere ǃkharun ge Jesuba ǃkhāǃkhā tsî ǃnabindana, 40#Mat. 26:61; Jhn. 2:19tsî gere mî: “Sats kom Tempela khôaǁnâ tsî ǃnona tsēdi ǃnâ nî ǂnubikhâitsao, Elob Ôats kao, aitsama oresen, î ǃgâuhaiba xu ǁgôaxa!”
41ǁNās ǁkhās xase gu ge danapristergu, Moseb ǂhanub di ǁkhāǁkhā-aogu* tsî ǂnomdomgu tsîga ǃhō bi tsî ge mî: 42“Naunab ge gere ore, xaweb ge aitsama a oresen ǁoa. Israeli di gao-aob kao, ab ǃgâuhaiba xu ǁgôaxa, o da ge nî ǂgom! 43#Psa. 22:8 Gā-ai.Sa. 2:18-20ǁÎb ǂgomǃgâbab kom Elob ǃnâ ge ūhâ io, tsîb kom Elob Ôab* a ti gere ǂgaiseno. Ab Eloba ore bi, ǂgaob kao!”
44Jesub ǀkha ge ǃgâuhe hâ i ǁkhâuǁnâ-aokha tsîn ge naun ǁkhān khami gere ǃkhāǃkhā bi.
Jesub di ǁōb
(Markub 15:33-41; Lukab 23:44-49; Johaneb 19:28-30)
45Tsî disiǀgamǀa irsa xub ge hoaraga ǃhūb ai ǃkhaenaba ge hā, ǃnona irs kōse. 46#Psa. 22:1Tsî ǃnona ir i ge, ob ge Jesuba ǃgari dommi ǀkha ǂgaiǂui tsî ge mî: “Eli, Eli, lama sabaxtani?” ǁNās ge “Ti Elotse, ti Elotse, tare-i ǃaromats go ǁnāxū te?” ti ra ǂâibasen.
47Tsî ǁnāpa ge mâ i khoen ge ǁnâu, on ge “Eliabab kom ra ǂgaio” ti ge mî. 48#Psa. 69:21ǁNātimîsib ge ǀguib ǁîn diba ǃkhoe tsî sponsa ū tsî ǀkhuru ǂauxûi-i ǃnâ ǀhari, ǂāb ai ǃkhāmâi tsî āb nîse ge mā bi.
49Xawen ge nauna ge mî: “ǁNam aibe, î da kō ǀnîsib kēbo-aob Eliaba hā tsî nî ore bisa!”
50ǁKhawab ge Jesuba ǃgari dommi ǀkha ǂgaiǂui tsî ǀoms âba ge māǁnâ.
51 #
Eks. 26:31-33
ǁNā ǁaeb ǁkhāb aib ge Tempeli di mâiǁkhaeba ǀgam ǃâra ǃnâ, ǀgapiseba xu ǃnakab kōse ge doaǃā; tsîb ge ǃhūǂgubiba hâ tsî ǃhaoga ge ǂariǃā, 52ǀhobadi tsîn ge ǁkhāti ge ǁkhowa-amsen tsî di ge ǂgui sorodi, Elob khoen ǁō ge hâ in dide ge khâi. 53ǀHobade xu ǂoa tsîn ge Jesub khâis khaoǃgâ ǃAnu ǃĀs, Jerusalems ǃnâ sī tsî ǂguin tawa ge ǂhai.
54 #
Mat. 3:17; 17:5 Tsî kaidisigu danakhoeb tsî toroǃkhamaogu ǁîb ǀkha Jesuba gere ǃûigu ge ǃhūǂgubib tsî ī gena mû, o gu ge kaise ǃao tsî ge mî: “Amase nēb ge go Elob Ôa i!”
55 #
Luk. 8:2-3
ǁNāpa di ge ǁkhāti ǂgui taradi, ǃnūseba xu gere kōde ge hâ i. ǁÎdi ge Jesuba Galileaba xu sao tsî ǂhâsigu âb ǃnâ gere ǃoaba. 56ǁÎdi ǁaegu di ge Maria Magdalenas tsî Marias, Jakobub tsî Josefi tsîkha di îs tsî Sebedeub ôakha îs tsîde ge hâ i.
Jesub di ǁkhōs
(Markub 15:42-47; Lukab 23:50-56; Johaneb 19:38-42)
57ǃUiab ge ǃkhū hâ Arimateaǁî khoeb, Josef ti ǀon hâb, ǁkhāti Jesub ǁkhāǁkhāsabe* ge iba ge hā. 58ǁÎb ge Pilatub tawa sī tsî Jesub sorosa sī ge ǂgan. Ob ge Pilatuba toroǃkhamaogu di danaba ge mîmā, îb sorosa māhe. 59Josefi ge sorosa ǃgâuhaiba xu ūǁnâ, ǃanu tsaura lapib ǃnâ ǃgami, 60tsî ǁîb di ǂhunuma, ǀasa ǀhoba-ās hîab ge ǃhaob ǃnâ ǃnamǂui kais ǃnâ ge ǁgui. ǁNās khaoǃgâb ge kai ǀuisa ǀhoba-ams aiǃâ gariǂgan tsî ge ǃgûbē. 61Maria Magdalenas tsî nau Marias tsîra ge ǁnāpa, ǀhobas ǃoagu ge ǂnôa i.
ǀHobas ge ra ǃûihe
62Sao ra tsēs, ǂHomisentsēs khaoǃgâ gu ge danapristergu tsî Farisegu* tsîga Pilatub aiǃâ ǀhao 63#Mat. 16:21; 17:23; 20:19; Mrk. 8:31; 10:33-34; Luk. 9:22; 18:31-33tsî ge mî: “ǃGôahesatse, sige ge go ǂâihō, ǁnā ǀhôagaob ge ganupeb a ûitsamab hîa mîsa: ‘ǃNona tsēdi khaoǃgâ ta ge ǁkhawa nî khâi.’ 64Mîmā ǁnâi re, ǀhobas âb nî ǂōrisase ǃûihesa, ǃnonaǁî tsēs kōse. Î gu tā ǁîb ǁkhāǁkhāsabega ǀnîsi tsuxub ǃnâ hā tsî ǁîba ǃnari tsî hoaraga ǁaes ǃoa ‘ǁŌba xu go khâi’ ti mî. Îb tā ǀuni gāxaǃnâba ǂgurob ǃgâ-ai kai.”
65Ob ge Pilatuba ǁîgu ǃoa ge mî: “ǃÛi-aoga ū, î ǁkhā go as kōse ǃûi.”
66 #
Mat. 27:60; 28:11-15 O gu ge oa tsî ǀhobasa ǀgaisase sī ǂganam tsî ǃûi-aoba ge mâ kai, ǃûi nîse.
Currently Selected:
Mateub 27: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
